ಜಾಣರ ಪೆಟ್ಟಿಗೆ

ವಿಧ ವಿಧ ವಿಷಯ ತಿಳಿಸುವ ಟೀವಿಗೆ
ಯಾಕನ್ನುವರೋ ಮೂರ್ಖರ ಪೆಟ್ಟಿಗೆ?
ಜಗವನೇ ಅರಿಯಲು ಸಾಧನವಾಗಿಹ
ಮಕ್ಕಳಿಗಿದು ಜಾಣರ ಪೆಟ್ಟಿಗೆ

ಕಾರ್ಟೂನ್ ಕಾಮಿಕ್ಸ್ ಎಲ್ಲಾ ಉಂಟು
ಸುದ್ದಿ - ಕ್ರಿಕೆಟು ಎಲ್ಲ ಇರುವುದು
ದೇಶ ವಿದೇಶಗಳ ಸ್ವಾರಸ್ಯ ಸಾರ
ಮನೆಯಲಿ ಕುಳಿತೇ ನೋಡಬಹುದು

ವಟವಟಗುಟ್ಟುವ ಅಜ್ಜಿಯ ಬಾಯಿಗೆ
ಬೀಗವ ಹಾಕಿದೆ
ಸುಮ್ಮನೆ ತಿರುಗುವ ಅಣ್ಣನ ಕಾಲಿಗೆ
ಬೇಡಿಯ ತೊಡಿಸಿದೆ

ಅಮ್ಮನ ಹರಟೆಗೆ ತಮ್ಮನ ತರಲೆಗೆ
ಸಮಯವೇ ಸಿಗುತ್ತಿಲ್ಲ
ಮನೆಗೆಲಸ ಮಾಡುತಲಿರುವರು
ಕುಂಯ್ಞಿ ಕುಂಯ್ಞಿ ಎನ್ನದೆ ಅವರೆಲ್ಲ

ಟೀವಿ ನೋಡುತ ಹೋಂವರ್ಕ್
ಮಾಡುವುದು ಯಾರಿಗೂ ಒಳಿತಲ್ಲ
ಜ್ಞಾನಾರ್ಜನೆಗೆ ದಿನದಲ್ಲೊಂದಿಷ್ಟು
ಟೀವಿ ನೋಡಿದರೆ ತಪ್ಪೇನಿಲ್ಲ.