ನವದೆಹಲಿ (ಪಿಟಿಐ): ದೇಶಭಕ್ತಿ, ಪ್ರೀತಿ, ನಿಸರ್ಗ, ಗೆಳೆತನ ಮತ್ತು ಅಭಿವೃದ್ಧಿ ವಿಷಯ ಕುರಿತು ಬಿಜೆಪಿ ಪ್ರಧಾನಿ ಅಭ್ಯರ್ಥಿ ನರೇಂದ್ರ ಮೋದಿ ಅವರು ಬರೆದ 67 ಕವಿತೆಗಳು ಇಂಗ್ಲಿಷ್‌ಗೆ ಅನುವಾದಗೊಂಡಿವೆ. ಆದರೆ, ಅವರ ಯಾವುದೇ ಕವನದಲ್ಲಿ ರಾಜಕಾರಣ ಅಥವಾ ಕುಟುಂಬದ ಬಗ್ಗೆ ಉಲ್ಲೇಖವಿಲ್ಲ.
‘ಎ ಜರ್ನಿ: ಪೊಯೆಮ್ಸ್‌ ಬೈ ನರೇಂದ್ರ ಮೋದಿ’ ಎಂಬ ಶೀರ್ಷಿಕೆಯ ಕವನ ಸಂಕಲನವನ್ನು ಲೇಖಕ ರವಿ ಮಂಥಾ ಅವರು ಗುಜರಾತಿ ಭಾಷೆಯಿಂದ ಇಂಗ್ಲಿಷ್‌ಗೆ ತರ್ಜುಮೆ ಮಾಡಿದ್ದಾರೆ.
ಈ ಪುಸ್ತಕವನ್ನು ರೂಪಾ ಪ್ರಕಾಶನ ಸಂಸ್ಥೆ ಪ್ರಕಟಿಸಿದ್ದು ಏಪ್ರಿಲ್ 20ರಂದು ಪುಸ್ತಕ ಮಳಿಗೆಗಳಲ್ಲಿ ಲಭ್ಯವಾಗಲಿದೆ.
