ಇಸ್ಲಾಮಾಬಾದ್ (ಐಎಎನ್‌ಎಸ್): ತಾಲಿಬಾನ್ ಉಗ್ರ ಒಸಾಮಾ ಬಿನ್ ಲಾಡೆನ್ ಕುರಿತ ಅಮೆರಿಕದ ಬೇಹುಗಾರಿಕಾ ಸಂಸ್ಥೆ ಸಿಐಎಗೆ ಮಾಹಿತಿ ನೀಡುತ್ತಿದ್ದ ಎಂಬ ಆರೋಪದ ಮೇಲೆ ಡಾ.ಶಕೀಲ್ ಅಫ್ರಿದಿ ಎಂಬ ವೈದ್ಯನೊಬ್ಬನ ಬ್ಯಾಂಕ್ ಖಾತೆಯನ್ನು ಪಾಕಿಸ್ತಾನ ಸರ್ಕಾರ ಮುಟ್ಟುಗೋಲು ಹಾಕಿಕೊಂಡಿದೆ.
ಪೋಲಿಯೊ ಪ್ರಚಾರದ ನೆಪದಲ್ಲಿ ಲಾಡೆನ್ ಅಡಗು ತಾಣ ಪತ್ತೆ ಹಚ್ಚಿದ್ದ ಈ ವೈದ್ಯ, ಲಾಡೆನ್ ಹಾಗೂ ಆತನ ಪತ್ನಿಯ ಡಿಎನ್‌ಎ ಪರೀಕ್ಷೆಗೆ ಬೇಕಾದ ಮಾಹಿತಿಯನ್ನು ಸಿಐಎಗೆ ರವಾನಿಸಿದ್ದ.
ಈ ಮಾಹಿತಿ ಪಾಕಿಸ್ತಾನ ಸರ್ಕಾರಕ್ಕೆ ತಿಳಿದಿತ್ತು. ಈ ಆರೋಪದ ಮೇಲೆ ಕೆಲವು ದಿನಗಳ ಹಿಂದಷ್ಟೇ ಪೆಶಾವರದ ಹಯತಾಬಾದ್‌ನಲ್ಲಿರುವ ಅಫ್ರಿದಿಯ ಐಷಾರಾಮಿ ಬಂಗಲೆಯನ್ನು ಸರ್ಕಾರ ಮುಟ್ಟುಗೋಲು ಹಾಕಿಕೊಂಡಿತ್ತು.
