ನವದೆಹಲಿ: ಫೋರ್ಡ್‌ ಇಂಡಿಯಾ ಕಂಪನಿಯು ತನ್ನ ಗ್ರಾಹಕರಿಗೆ ‘ಮನೆ ಬಾಗಿಲಿಗೆ ಸೇವೆ’ ವ್ಯವಸ್ಥೆ ಆರಂಭಿಸಿದೆ. ಬೆಂಗಳೂರಿನಲ್ಲಿಯೂ ಇದು ಲಭ್ಯವಿದೆ. ಹೆಚ್ಚುವರಿ ಶುಲ್ಕವಿಲ್ಲದೆಯೇ ಗ್ರಾಹಕರು ತಮ್ಮ ವಾಹನಗಳಿಗೆ ಬೇಕಿರುವ ಸೇವೆಯನ್ನು ಮನೆ ಅಥವಾ ಕಚೇರಿ ಆವರಣದಲ್ಲಿಯೇ ಪಡೆಯಬಹುದು.
ಫೋರ್ಡ್‌ ಇಂಡಿಯಾದ ಸಹಾಯವಾಣಿ ಮೂಲಕ ಮಾರಾಟ ಮತ್ತು ಸೇವೆಗಳಿಗೆ ಸಂಬಂಧಿಸಿದ ಪ್ರಶ್ನೆಗಳಿಗೆ ಉತ್ತರ ಪಡೆಯಬಹುದು. ವಾಹನಗಳ ಅಗತ್ಯ ತಪಾಸಣೆ, ಬಿಡಿಭಾಗಗಳ ಬದಲಾವಣೆ, ಡ್ರೈ ವಾಷ್‌ ಇತ್ಯಾದಿ ಈ ಸೇವೆಯಲ್ಲಿ ಅಡಕವಾಗಿದೆ. ಸೇವೆ ಪಡೆದ ಬಳಿಕ ಗ್ರಾಹಕರು ಆನ್‌ಲೈನ್‌ ಮೂಲಕ ಹಣ ಪಾವತಿಸಬಹುದು ಎಂದು ಕಂಪನಿ ಹೇಳಿದೆ.
ಮೊದಲ ಹಂತದಲ್ಲಿ ಬೆಂಗಳೂರು ಮಾತ್ರವಲ್ಲದೆ ದೆಹಲಿ, ಗುರುಗ್ರಾಮ, ನೊಯಿಡಾ, ಜೈಪುರ ಮತ್ತಿತರ ನಗರಗಳಲ್ಲಿಯೂ ಈ ಸೇವೆ ಸಿಗಲಿದೆ ಎಂದು ತಿಳಿಸಿದೆ.
