ಬುಧವಾರ, ಅಕ್ಟೋಬರ್ 5, 2022
27 °C

ಕಾಫಿ ಡೇ ನಷ್ಟ ₹ 18 ಕೋಟಿಗೆ ಇಳಿಕೆ

ಪಿಟಿಐ Updated:

ಅಕ್ಷರ ಗಾತ್ರ : | |

Prajavani

ನವದೆಹಲಿ: ಕಾಫಿ ಡೇ ಎಂಟರ್‌ಪ್ರೈಸಸ್‌ ಲಿಮಿಟೆಡ್‌ನ (ಸಿಡಿಇಎಲ್‌) ನಷ್ಟವು ಪ್ರಸಕ್ತ ಹಣಕಾಸು ವರ್ಷದ ಜೂನ್‌ ತ್ರೈಮಾಸಿಕದಲ್ಲಿ ₹ 18 ಕೋಟಿಗೆ ಇಳಿಕೆ ಆಗಿದೆ.

ಹಿಂದಿನ ಹಣಕಾಸು ವರ್ಷದ ಇದೇ ಅವಧಿಯಲ್ಲಿ ₹ 117 ಕೋಟಿ ನಷ್ಟ ಆಗಿತ್ತು ಎಂದು ಕಂಪನಿಯು ಷೇರುಪೇಟೆಗೆ ಮಾಹಿತಿ ನೀಡಿದೆ.

ಕಾರ್ಯಾಚರಣಾ ವರಮಾನ ₹ 81.52 ಕೋಟಿಯಿಂದ ₹ 210.49 ಕೋಟಿಗೆ ಎರಡು ಪಟ್ಟು ಏರಿಕೆ ಆಗಿದೆ. ಒಟ್ಟಾರೆ ವೆಚ್ಚವು ಶೇ 17.96ರಷ್ಟು ಹೆಚ್ಚಾಗಿದ್ದು ₹ 237.75 ಕೋಟಿಗೆ ತಲುಪಿದೆ. ಹಿಂದಿನ ಹಣಕಾಸು ವರ್ಷದ ಇದೇ ಅವಧಿಯಲ್ಲಿ ವೆಚ್ಚವು ₹ 201.54 ಕೋಟಿ ಇತ್ತು ಎಂದು ತಿಳಿಸಿದೆ.

ಕಾಫಿ ಮತ್ತು ಅದಕ್ಕೆ ಸಂಬಂಧಿತ ವಹಿವಾಟುಗಳಿಂದ ಬಂದಿರುವ ವರಮಾನವು ₹ 67.16 ಕೋಟಿಯಿಂದ ₹ 189.63 ಕೋಟಿಗೆ ಏರಿಕೆ ಆಗಿದೆ. ಆತಿಥ್ಯ ಸೇವೆಗಳಿಂದ ಬಂದಿರುವ ವರಮಾನ ₹ 2.40 ಕೋಟಿಯಿಂದ ₹ 14.32 ಕೋಟಿಗೆ ಏರಿಕೆ ಕಂಡಿದೆ ಎಂದು ಹೇಳಿದೆ.

ಕೆಫೆ ಕಾಫಿ ಡೇ (ಸಿಸಿಡಿ) ವಹಿವಾಟು ನಡೆಸುವ ತನ್ನ ಅಂಗಸಂಸ್ಥೆ ಕಾಫಿ ಡೇ ಗ್ಲೋಬಲ್‌ನ ಫಲಿತಾಂಶವನ್ನೂ ಕಂಪನಿ ಪ್ರಕಟಿಸಿದೆ. ಕಾಫಿ ಡೇ ಗ್ಲೋಬಲ್‌ನ ಕಾರ್ಯಾಚರಣಾ ವರಮಾನ ₹ 189.63 ಕೋಟಿಗೆ ತಲುಪಿದೆ. ಹಿಂದಿನ ಬಾರಿ ₹ 67.16 ಕೊಟಿ ಇತ್ತು. ನಿವ್ವಳ ನಷ್ಟ ₹ 89.49 ಕೋಟಿ ಇದ್ದಿದ್ದು ₹ 11.72 ಕೋಟಿಗೆ ಇಳಿಕೆ ಆಗಿದೆ ಎಂದು ತಿಳಿಸಿದೆ.

ತಾಜಾ ಮಾಹಿತಿ ಪಡೆಯಲು ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ

ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.

ಈ ವಿಭಾಗದಿಂದ ಇನ್ನಷ್ಟು