ಶನಿವಾರ, 2 ಮಾರ್ಚ್ 2024
×
ADVERTISEMENT
ಈ ಕ್ಷಣ :
ADVERTISEMENT
ADVERTISEMENT

ಚಿನ್ನ, ಬೆಳ್ಳಿ ದರ ಗರಿಷ್ಠ ಹೆಚ್ಚಳ

Last Updated 5 ಆಗಸ್ಟ್ 2020, 20:44 IST
ಅಕ್ಷರ ಗಾತ್ರ

ನವದೆಹಲಿ/ಮುಂಬೈ: ದೇಶದಾದ್ಯಂತ ಚಿನ್ನ ಬೆಳ್ಳಿ ಧಾರಣೆ ಬುಧವಾರ ಗರಿಷ್ಠ ಏರಿಕೆ ಕಂಡಿದೆ. ದೆಹಲಿಯಲ್ಲಿ 10 ಗ್ರಾಂ ಚಿನ್ನ ₹ 1,365ರಂತೆ ಹೆಚ್ಚಾಗಿದ್ದು, ₹ 56,181ಕ್ಕೆ ತಲುಪಿತು. ಬೆಳ್ಳಿ ಧಾರಣೆ ಕೆ.ಜಿ.ಗೆ ₹ 5,972ರಂತೆ ಹೆಚ್ಚಾಗಿ ₹ 72,726ಕ್ಕೆ ಏರಿಕೆಯಾಗಿದೆ

ಬೆಂಗಳೂರಿನಲ್ಲಿ 10ಗ್ರಾಂ ಚಿನ್ನ ₹ 1,270ರಷ್ಟು ಹೆಚ್ಚಳವಾಗಿ ₹ 55,450ರಂತೆ ಮಾರಾಟವಾಗಿದೆ. ಬೆಳ್ಳಿ ಧಾರಣೆ ಕೆ.ಜಿ.ಗೆ ₹ 6,200ರಂತೆ ಹೆಚ್ಚಾಗಿ ₹ 72,200ಕ್ಕೆ ತಲುಪಿದೆ.

ಇನ್ನು ಮುಂಬೈನಲ್ಲಿ ಚಿನ್ನದ ದರ 10 ಗ್ರಾಂಗೆ ₹ 53,788 ಇದ್ದಿದ್ದು ₹ 55,226ಕ್ಕೆ ಏರಿಕೆ ಆಯಿತು. ಅಂದರೆ ಪ್ರತಿ 10 ಗ್ರಾಂಗೆ ₹ 1,438 ಏರಿಕೆ ಆಗಿದೆ. ಬೆಳ್ಳಿ ಧಾರಣೆಯು ಕೆ.ಜಿಗೆ ₹6,465ರಂತೆ ಹೆಚ್ಚಾಗಿದ್ದು ₹ 71,200ಕ್ಕೆ ತಲುಪಿದೆ.

ಡಾಲರ್‌ ಮೌಲ್ಯ ಇಳಿಕೆ ಆಗಿರುವುದು ಮತ್ತು ಕೋವಿಡ್-19‌ ಪ್ರಕರಣಗಳು ಹೆಚ್ಚುತ್ತಿರುವುದರಿಂದ ಆರ್ಥಿಕ ಬೆಳವಣಿಗೆಯ ಬಗ್ಗೆ ಕಳವಳ ವ್ಯಕ್ತವಾಗಿದೆ. ಇದರಿಂದಾಗಿ ಚಿನ್ನದ ದರ ಹೊಸ ಎತ್ತರಕ್ಕೆ ಏರಿಕೆಯಾಗಿದೆ ಎಂದು ಎಚ್‌ಡಿಎಫ್‌ಸಿ ಸೆಕ್ಯುರಿಟೀಸ್‌ನ ಹಿರಿಯ ವಿಶ್ಲೆಷಕ ತಪನ್‌ ಪಟೇಲ್‌ ಹೇಳಿದ್ದಾರೆ.

ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್‌ಬುಕ್ ಪುಟ ಫಾಲೋ ಮಾಡಿ.

ADVERTISEMENT
ADVERTISEMENT
ADVERTISEMENT
ADVERTISEMENT