<p><strong>ನವದೆಹಲಿ: </strong>ಜೂನ್ ತಿಂಗಳಿನಲ್ಲಿ ದೇಶದ ಸೇವಾ ವಲಯದ ಚಟುವಟಿಕೆಗಳು 2011ರ ಏಪ್ರಿಲ್ ನಂತರದ ಅತಿಹೆಚ್ಚಿನ ಮಟ್ಟವನ್ನು ತಲುಪಿವೆ. ಬೇಡಿಕೆಯಲ್ಲಿ ಸುಧಾರಣೆ ಕಂಡುಬಂದಿದ್ದು ಇದಕ್ಕೆ ಕಾರಣ.</p>.<p>ಎಸ್ಆ್ಯಂಡ್ಪಿ ಗ್ಲೋಬಲ್ ಇಂಡಿಯಾ ಸರ್ವಿಸಸ್ ಪಿಎಂಐ ಬ್ಯುಸಿನೆಸ್ ಆ್ಯಕ್ಟಿವಿಟಿ ಸೂಚ್ಯಂಕವು ಜೂನ್ ತಿಂಗಳಿನಲ್ಲಿ 59.2ಕ್ಕೆ ತಲುಪಿದೆ. ಮೇ ತಿಂಗಳಲ್ಲಿ ಇದು 58.9ರಷ್ಟಿತ್ತು.</p>.<p>ಸತತ ಹನ್ನೊಂದು ತಿಂಗಳುಗಳಿಂದ ಸೇವಾ ವಲಯದ ಚಟುವಟಿಕೆಗಳು ಹೆಚ್ಚಳ ಕಾಣುತ್ತಿವೆ. ಸೂಚ್ಯಂಕವು 50ಕ್ಕಿಂತ ಹೆಚ್ಚಿನ ಮಟ್ಟದಲ್ಲಿದ್ದರೆ ಅದನ್ನು ಬೆಳವಣಿಗೆ ಎಂದು ಅರ್ಥೈಸಲಾಗುತ್ತದೆ. 50ಕ್ಕಿಂತ ಕಡಿಮೆ ಇದ್ದರೆ ಅದನ್ನು ಕುಸಿತ ಎಂದು ಕಾಣಲಾಗುತ್ತದೆ.</p>.<p>‘ಪ್ರಸಕ್ತ ಹಣಕಾಸು ವರ್ಷದ ಮೊದಲ ತ್ರೈಮಾಸಿಕದಲ್ಲಿ ಸೇವಾ ವಲಯವು ಬೆಳವಣಿಗೆ ಕಾಣುವ ರೀತಿಯಲ್ಲಿ ಜೂನ್ ತಿಂಗಳಲ್ಲಿ ಚಟುವಟಿಕೆಗಳು ಸುಧಾರಣೆ ಕಂಡಿವೆ’ ಎಂದು ಎಸ್ಆ್ಯಂಡ್ಪಿ ಗ್ಲೋಬಲ್ ಮಾರ್ಕೆಟ್ ಇಂಟೆಲಿಜೆನ್ಸ್ನ ಸಹಾಯಕ ನಿರ್ದೇಶಕಿ ಪಾಲಿಯಾನಾ ಡಿ ಲಿಮಾ ಹೇಳಿದ್ದಾರೆ.</p>.<p>ಸೇವೆಗಳಿಗೆ ಹೆಚ್ಚಿನ ಶುಲ್ಕ ವಿಧಿಸಿದರೂ, ಹೊಸ ಬೇಡಿಕೆಗಳನ್ನು ಕಂಡುಕೊಳ್ಳಲು ಕಂಪನಿಗಳಿಗೆ ಜೂನ್ನಲ್ಲಿ ಸಾಧ್ಯವಾಗಿದೆ. ಜೂನ್ ತಿಂಗಳಲ್ಲಿ ಮಾರಾಟದ ಬೆಲೆಯ ಹೆಚ್ಚಳವು 2017ರ ಜುಲೈ ನಂತರದ ಅತಿವೇಗದ ಏರಿಕೆ ದಾಖಲಿಸಿದೆ. ಹಲವು ಕಂಪನಿಗಳು ತಮ್ಮ ಮೇಲಿನ ಹೆಚ್ಚುವರಿ ವೆಚ್ಚವನ್ನು ಗ್ರಾಹಕರಿಗೆ ವರ್ಗಾವಣೆ ಮಾಡಿವೆ.</p>.<p>ಹಣದುಬ್ಬರವು ಕಡಿಮೆ ಆಗದಿರುವುದು ಕಂಪನಿಗಳ ಪಾಲಿಗೆ ಕಳವಳ ಮೂಡಿಸಿದೆ. ಆದರೆ, ಮುಂದಿನ ಒಂದು ವರ್ಷದ ವಹಿವಾಟಿನ ವಿಚಾರವಾಗಿ ಕಂಪನಿಗಳು ಆಶಾವಾದ ಹೊಂದಿವೆ.</p>.<p>ಕೆಲವು ಕಂಪನಿಗಳು ಮಾತ್ರ ಜೂನ್ ತಿಂಗಳಲ್ಲಿ ಹೊಸದಾಗಿ ನೌಕರರನ್ನು ನೇಮಕ ಮಾಡಿಕೊಂಡಿವೆ. ಆದರೆ, ಶೇಕಡ 94ರಷ್ಟು ಕಂಪನಿಗಳಲ್ಲಿ ಯಾವುದೇ ನೇಮಕಾತಿ ನಡೆದಿಲ್ಲ. ಹೀಗಿದ್ದರೂ, ಸೇವಾ ವಲಯದಲ್ಲಿನ ನೌಕರರ ಸಂಖ್ಯೆಯು ಜೂನ್ನಲ್ಲಿ ತುಸು ಹೆಚ್ಚಳ ಆಗಿದೆ. ಮೇ ತಿಂಗಳಲ್ಲಿ ಇದು ಇಳಿಕೆ ಕಂಡಿತ್ತು.</p>.<p>ಸೇವಾ ವಲಯ ಹಾಗೂ ತಯಾರಿಕಾ ವಲಯದ ಚಟುವಟಿಕೆಗಳನ್ನು ಒಟ್ಟಾಗಿ ಹೇಳುವ ಕಾಂಪೊಸಿಟ್ ಪಿಎಂಐ ಔಟ್ಪುಟ್ ಸೂಚ್ಯಂಕವು ಜೂನ್ನಲ್ಲಿ 58.2ಕ್ಕೆ ಇಳಿಕೆಯಾಗಿದೆ. ಇದು ಮೇ ತಿಂಗಳಲ್ಲಿ 58.3 ಆಗಿತ್ತು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ನವದೆಹಲಿ: </strong>ಜೂನ್ ತಿಂಗಳಿನಲ್ಲಿ ದೇಶದ ಸೇವಾ ವಲಯದ ಚಟುವಟಿಕೆಗಳು 2011ರ ಏಪ್ರಿಲ್ ನಂತರದ ಅತಿಹೆಚ್ಚಿನ ಮಟ್ಟವನ್ನು ತಲುಪಿವೆ. ಬೇಡಿಕೆಯಲ್ಲಿ ಸುಧಾರಣೆ ಕಂಡುಬಂದಿದ್ದು ಇದಕ್ಕೆ ಕಾರಣ.</p>.<p>ಎಸ್ಆ್ಯಂಡ್ಪಿ ಗ್ಲೋಬಲ್ ಇಂಡಿಯಾ ಸರ್ವಿಸಸ್ ಪಿಎಂಐ ಬ್ಯುಸಿನೆಸ್ ಆ್ಯಕ್ಟಿವಿಟಿ ಸೂಚ್ಯಂಕವು ಜೂನ್ ತಿಂಗಳಿನಲ್ಲಿ 59.2ಕ್ಕೆ ತಲುಪಿದೆ. ಮೇ ತಿಂಗಳಲ್ಲಿ ಇದು 58.9ರಷ್ಟಿತ್ತು.</p>.<p>ಸತತ ಹನ್ನೊಂದು ತಿಂಗಳುಗಳಿಂದ ಸೇವಾ ವಲಯದ ಚಟುವಟಿಕೆಗಳು ಹೆಚ್ಚಳ ಕಾಣುತ್ತಿವೆ. ಸೂಚ್ಯಂಕವು 50ಕ್ಕಿಂತ ಹೆಚ್ಚಿನ ಮಟ್ಟದಲ್ಲಿದ್ದರೆ ಅದನ್ನು ಬೆಳವಣಿಗೆ ಎಂದು ಅರ್ಥೈಸಲಾಗುತ್ತದೆ. 50ಕ್ಕಿಂತ ಕಡಿಮೆ ಇದ್ದರೆ ಅದನ್ನು ಕುಸಿತ ಎಂದು ಕಾಣಲಾಗುತ್ತದೆ.</p>.<p>‘ಪ್ರಸಕ್ತ ಹಣಕಾಸು ವರ್ಷದ ಮೊದಲ ತ್ರೈಮಾಸಿಕದಲ್ಲಿ ಸೇವಾ ವಲಯವು ಬೆಳವಣಿಗೆ ಕಾಣುವ ರೀತಿಯಲ್ಲಿ ಜೂನ್ ತಿಂಗಳಲ್ಲಿ ಚಟುವಟಿಕೆಗಳು ಸುಧಾರಣೆ ಕಂಡಿವೆ’ ಎಂದು ಎಸ್ಆ್ಯಂಡ್ಪಿ ಗ್ಲೋಬಲ್ ಮಾರ್ಕೆಟ್ ಇಂಟೆಲಿಜೆನ್ಸ್ನ ಸಹಾಯಕ ನಿರ್ದೇಶಕಿ ಪಾಲಿಯಾನಾ ಡಿ ಲಿಮಾ ಹೇಳಿದ್ದಾರೆ.</p>.<p>ಸೇವೆಗಳಿಗೆ ಹೆಚ್ಚಿನ ಶುಲ್ಕ ವಿಧಿಸಿದರೂ, ಹೊಸ ಬೇಡಿಕೆಗಳನ್ನು ಕಂಡುಕೊಳ್ಳಲು ಕಂಪನಿಗಳಿಗೆ ಜೂನ್ನಲ್ಲಿ ಸಾಧ್ಯವಾಗಿದೆ. ಜೂನ್ ತಿಂಗಳಲ್ಲಿ ಮಾರಾಟದ ಬೆಲೆಯ ಹೆಚ್ಚಳವು 2017ರ ಜುಲೈ ನಂತರದ ಅತಿವೇಗದ ಏರಿಕೆ ದಾಖಲಿಸಿದೆ. ಹಲವು ಕಂಪನಿಗಳು ತಮ್ಮ ಮೇಲಿನ ಹೆಚ್ಚುವರಿ ವೆಚ್ಚವನ್ನು ಗ್ರಾಹಕರಿಗೆ ವರ್ಗಾವಣೆ ಮಾಡಿವೆ.</p>.<p>ಹಣದುಬ್ಬರವು ಕಡಿಮೆ ಆಗದಿರುವುದು ಕಂಪನಿಗಳ ಪಾಲಿಗೆ ಕಳವಳ ಮೂಡಿಸಿದೆ. ಆದರೆ, ಮುಂದಿನ ಒಂದು ವರ್ಷದ ವಹಿವಾಟಿನ ವಿಚಾರವಾಗಿ ಕಂಪನಿಗಳು ಆಶಾವಾದ ಹೊಂದಿವೆ.</p>.<p>ಕೆಲವು ಕಂಪನಿಗಳು ಮಾತ್ರ ಜೂನ್ ತಿಂಗಳಲ್ಲಿ ಹೊಸದಾಗಿ ನೌಕರರನ್ನು ನೇಮಕ ಮಾಡಿಕೊಂಡಿವೆ. ಆದರೆ, ಶೇಕಡ 94ರಷ್ಟು ಕಂಪನಿಗಳಲ್ಲಿ ಯಾವುದೇ ನೇಮಕಾತಿ ನಡೆದಿಲ್ಲ. ಹೀಗಿದ್ದರೂ, ಸೇವಾ ವಲಯದಲ್ಲಿನ ನೌಕರರ ಸಂಖ್ಯೆಯು ಜೂನ್ನಲ್ಲಿ ತುಸು ಹೆಚ್ಚಳ ಆಗಿದೆ. ಮೇ ತಿಂಗಳಲ್ಲಿ ಇದು ಇಳಿಕೆ ಕಂಡಿತ್ತು.</p>.<p>ಸೇವಾ ವಲಯ ಹಾಗೂ ತಯಾರಿಕಾ ವಲಯದ ಚಟುವಟಿಕೆಗಳನ್ನು ಒಟ್ಟಾಗಿ ಹೇಳುವ ಕಾಂಪೊಸಿಟ್ ಪಿಎಂಐ ಔಟ್ಪುಟ್ ಸೂಚ್ಯಂಕವು ಜೂನ್ನಲ್ಲಿ 58.2ಕ್ಕೆ ಇಳಿಕೆಯಾಗಿದೆ. ಇದು ಮೇ ತಿಂಗಳಲ್ಲಿ 58.3 ಆಗಿತ್ತು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>