ಹರಪನಹಳ್ಳಿ: ದಾಖಲೆ ರಹಿತ ಸಾಗಿಸುತ್ತಿದ್ದ ₹4,42,937 ನಗದು ಹಣವನ್ನು ತಾಲ್ಲೂಕಿನ ನಂದಿಬೇವೂರು ಚೆಕ್ ಪೋಸ್ಟ್‌ನಲ್ಲಿ ಚುನಾವಣೆ ಆಯೋಗದ ಅಧಿಕಾರಿಗಳು ಶನಿವಾರ ಜಫ್ತಿ ಮಾಡಿದ್ದಾರೆ.
ಖಾಸಗಿ ಏಜೆನ್ಸಿ ನಡೆಸುತ್ತಿರುವ ಪಿ.ಬಾಲಾಜಿ ಅವರು ಹಣವನ್ನು ಹಗರಿಬೊಮ್ಮನಹಳ್ಳಿಯಿಂದ ಹರಪನಹಳ್ಳಿಯತ್ತ ತೆಗೆದುಕೊಂಡು ಹೋಗುತ್ತಿದ್ದಾಗ ಜಪ್ತಿ ಮಾಡಿದ್ದಾರೆ. ಸಿಡಿಪಿಒ ಅವಿನಾಶ್ ಮಾತನಾಡಿ, ಜಪ್ತಿ ಮಾಡಿದ ಹಣ ಜಿಲ್ಲಾ ಚುನಾವಣಾಧಿಕಾರಿ ಕಚೇರಿಗೆ ಕಳಿಸಿ ಕೊಡಲಾಗಿದೆ. ಪೂರಕ ದಾಖಲೆ ಸಲ್ಲಿಸಿ ಗ್ರಾಹಕರು ಹಣ ಪಡೆದುಕೊಳ್ಳುವಂತೆ ಸೂಚಿಸಲಾಗಿದೆ ಎಂದರು.
