ದೊಡ್ಡಬಳ್ಳಾಪುರ | ತಂಪಾದ ಇಳೆ; ರೈತರಲ್ಲಿ ಮಂದಹಾಸ

ಶನಿವಾರ ಸಂಜೆ 6 ಗಂಟೆ ಸುಮಾರು ಪ್ರಾರಂಭವಾದ ಮಳೆ 7 ಗಂಟೆಯಾದರು ಸಹ ಬೀಳುತ್ತಲೇ ಇತ್ತು. ಭೂಮಿ ತಂಪಾಗುವಷ್ಟು ಮಳೆ ಬೀಳುತ್ತಿರುವುದರಿಂದ ರೈತರಲ್ಲಿ ಸಂತಸ ಮೂಡಿಸಿದೆ.

ಒಂದು ವಾರದಿಂದ ಈಚೆಗೆ ಮಳೆ ಬೀಳುತ್ತಿರುವುದರಿಂದ ರೈತರು ಟ್ರ್ಯಾಕ್ಟರ್‌ಗಳ ಮೂಲಕ ಹೊಲಗಳಲ್ಲಿ ಮೊದಲ ಉಳಿಮೆ ಪ್ರಾರಂಭಿಸಿದ್ದಾರೆ. ಮಳೆ ಆಶ್ರಯದಲ್ಲಿ ರಾಗಿ, ಮುಸುಕಿನಜೋಳ ಬೆಳೆಯುವ ರೈತರು ಸಾಮಾನ್ಯವಾಗಿ ಜೂನ್‌ ಅಂತ್ಯದ ವೇಳೆಗೆ ಭೂಮಿಯನ್ನು ಉಳಿಮೆ ಮಾಡಿ ಕೊಟ್ಟಿಗೆ ಗೊಬ್ಬರ ಹಾಕಿ ಬಿತ್ತನೆಗೆ ಹದಗೊಳಿಸಿಕೊಳ್ಳುತ್ತಾರೆ. ಮಳೆ ಆಶ್ರಯದಲ್ಲಿ ಮುಸುಕಿನಜೋಳ ಬೆಳೆಯುವ ರೈತರು ಮೇ ಅಂತ್ಯದಿಂದಲೇ ಬಿತ್ತನೆ ಪ್ರಾರಂಭಿಸಲು ಭೂಮಿ ಸಿದ್ದಗೊಳಿಸಿಕೊಂಡಿದ್ದಾರೆ.

ಕೊಳವೆ ಬಾವಿಗಳನ್ನು ಹೊಂದಿರುವ ರೈತರು ಈಗಾಗಲೇ ಮುಸುಕಿನಜೋಳ ಬಿತ್ತನೆ ಮಾಡಿದ್ದು ಈಗ ಬೀಳುತ್ತಿರುವ ಮಳೆಯಿಂದಾಗಿ ಒಂದೆರಡು ತಿಂಗಳ ಒಳಗೆ ಕಟಾವಿಗೆ ಬರುವ ಹಾಗೂ ಉತ್ತಮ ಇಳುವರಿಯ ನಿರೀಕ್ಷೆಯಲ್ಲಿದ್ದಾರೆ.

Highlights - ಉಳಿಮೆ ಆರಂಭಿಸಿದ ರೈತರು ಭೂಮಿ ಹದಗೊಳಿಸುತ್ತಿರುವ ಕೃಷಿಕರು