ವಿಜಯಪುರ(ದೇವನಹಳ್ಳಿ): ಪಟ್ಟಣದ ಗ್ರಾಮದೇವತೆ ಗಂಗಾತಾಯಿ ಜಾತ್ರಾ ದೀಪಾರತಿ ಸೇವಾ ಟ್ರಸ್ಟ್ ಆಶ್ರಯದಲ್ಲಿ ಮೇ 21 ರಿಂದ 29 ರವರೆಗೆ ದೇವಾಲಯದ ಆವರಣದಲ್ಲಿ ವಿಶೇಷ ಸಾಂಸ್ಕೃತಿಕ ಕಾರ್ಯಕ್ರಮಗಳು ನಡೆಯಲಿವೆ ಎಂದು ರಾಜ್ಯ ಗಂಗಾ ಮತಸ್ಥರ ಸಂಘಟನಾ ಕಾರ್ಯದರ್ಶಿ ಎನ್. ಮುನಿರಾಜ್ ತಿಳಿಸಿದರು.
ಮೇ 21 ರಂದು ತೋಟಿಕೆಂಪಣ್ಣ ಹಾಗೂ ದೊಡ್ಡಆಂಜಿನಪ್ಪ ಅವರ ಕುಟುಂಬದವರಿಂದ ಊರಿನ ಪ್ರಮುಖ ಬೀದಿಗಳಲ್ಲಿ ಸಾಟಿಡುವ ಕಾರ್ಯಕ್ರಮ, ಮೇ 26 ರಂದು ಪುರಸಭಾ ಸದಸ್ಯ ಎಂ.ಸತೀಶ್ ಕುಮಾರ್ ಅವರ ಕುಟುಂಬದಿಂದ 108 ಕಳಶಗಳ ಹೋಮ ಮಹಾಭಿಷೇಕ, ಸಹಸ್ರನಾಮಾರ್ಚನೆ ಪೂಜೆ, ಮೇ 27 ರಂದು ಸಂಗಮೇಶ್ವರ ದೇವಾಲಯದ ಹತ್ತಿರದಿಂದ ಜಲಗಂಗಮ್ಮನವರನ್ನು ದೇವಾಲಯಕ್ಕೆ ಬರಮಾಡಿಕೊಳ್ಳಲಾಗುವುದು. ಮೇ 28 ರಂದು ದೀಪಾರತಿ ನಡೆಯಲಿವೆ ಎಂದು ತಿಳಿಸಿದ್ದಾರೆ.
