ಬೆಳಗಾವಿ: ಸಮೀಪದ ಗೋಜಗಾ ಗ್ರಾಮದಲ್ಲಿ ಶನಿವಾರ ಸಣ್ಣ ಜಗಳ ವಿಕೋಪಕ್ಕೆ ಹೋಗಿ ವ್ಯಕ್ತಿಯೊಬ್ಬರ ಕೊಲೆಯಲ್ಲಿ ಅವಸಾನಗೊಂಡಿದೆ.
ರಾಜು ಬಂಡು ನಾಯ್ಕ್ (32) ಕೊಲೆ ಆರೋಪಿ. ಮಾರುತಿ ನಾಯ್ಕ್ (32) ಕೊಲೆಯಾದವರು. ಯಾವುದೋ ವಿಚಾರಕ್ಕೆ ಇಬ್ಬರ ನಡುವೆ ವಾಗ್ವಾದ ಬೆಳೆಯಿತು. ಆಗ ರಾಜು ತನ್ನ ಕೈಯಲ್ಲಿದ್ದ ಕುಡುಗೋಲಿನಿಂದ ಮಾರುತಿ ಅವರ ಹೊಟ್ಟೆಗೆ ಇರಿದ. ತೀವ್ರ ಗಾಯಗೊಂಡ ಅವರನ್ನು ಸುತ್ತಲಿನ ಜನ ಬೈಕ್‌ ಮೇಲೆ ಜಿಲ್ಲಾಸ್ಪತ್ರೆಗೆ ದಾಖಲಿಸಿದರು.
ಅಷ್ಟರೊಳಗೆ ತೀವ್ರ ರಕ್ತಸ್ರಾವದಿಂದ ಮಾರುತಿ ಮೃತಪಟ್ಟಿದ್ದಾಗಿ ವೈದ್ಯರು ತಿಳಿಸಿದರು ಎಂದು ಮೃತನ ಕುಟುಬದವರು ಮಾಹಿತಿ ನೀಡಿರು. ಕಾಕತಿ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.
