‘ನಗರದ ರಾಜಕಾರಣಿಯೊಬ್ಬರ ವಿರುದ್ಧ ಆರೋಪಿ ಅಸಮಾಧಾನ ಹೊಂದಿದ್ದು, ಅವರು ಅಕ್ಷರಶಃ ತನ್ನನ್ನು ಸುಲಿಗೆ ಮಾಡಿದ್ದಾರೆ. ರೌಡಿಗಳು, ಪಾಲಿಕೆ ಸದಸ್ಯರು ಮತ್ತು ಮೌಲ್ವಿಗಳ ಹೆಸರಿನಲ್ಲಿ ವಸೂಲು ಮಾಡಿದ್ದಾರೆ. ಭಾರಿ ಬೆಲೆಯ ಉಡುಗೊರೆಗಳನ್ನು ಪಡೆದಿದ್ದಾರೆ. ಮನ್ಸೂರ್ ಹೇಳಿಕೆಗಳನ್ನು ಜಾಗರೂಕತೆಯಿಂದ ದಾಖಲು ಮಾಡಿಕೊಳ್ಳಲಾಗುತ್ತಿದೆ’ ಎಂದು ಮೂಲಗಳು ಸ್ಪಷ್ಟಪಡಿಸಿವೆ. ಜಮೀರ್ ಅಹಮದ್ ಜತೆ ನಡೆಸಿರುವ ವ್ಯವಹಾರ ಪಾರದರ್ಶಕವಾಗಿದೆ. ಅವರ ಜತೆ ತೆರೆಮರೆಯಲ್ಲಿ ಯಾವುದೇ ವ್ಯವಹಾರ ನಡೆಸಿಲ್ಲ ಎಂದು ಐಎಂಎ ಮಾಲೀಕ ಖಚಿತಪಡಿಸಿದ್ದಾನೆ.