ಪಟ್ಟಣದ ಗದಗ ರಸ್ತೆಗೆ ಹೊಂದಿಕೊಂಡಿರುವ 4 ಎಕರೆ 1 ಗುಂಟೆ ವಿಶಾಲ ಜಾಗವನ್ನು ಹೊಂದಿರುವ ಪೊಲೀಸ್ ಠಾಣೆ ಆವರಣದಲ್ಲಿ ಸುಮಾರು 250ಕ್ಕೂ ಹೆಚ್ಚು ವಿವಿಧ ತಳಿಯ ಮರಗಳನ್ನು ಬೆಳೆಸಿದ್ದು, ಅವುಗಳಲ್ಲಿ ಮಾವು, ಚಿಕ್ಕು, ಬೇವು, ತೆಂಗು ಸೇರಿ ಹಲವು ಜಾತಿಯ ಮರಗಳು ಸೇರಿವೆ. ಅವುಗಳಲ್ಲಿ ಕೆಲ ಮರಗಳು ನೆರಳು ಒದಗಿಸಿದರೆ ಇನ್ನೂ ಕೆಲ ಮರಗಳು ಹಣ್ಣು ನೀಡುತ್ತಿವೆ. ಠಾಣೆಯ ಸಿಬ್ಬಂದಿ ಈ ಎಲ್ಲ ಮರಗಳನ್ನು ತಮ್ಮ ಸ್ವಂತ ಹಣದಲ್ಲಿ ನೆಟ್ಟು ಬೆಳೆಸಿರುವುದು ವಿಶೇಷ. ಮರಗಳಿಗೆ ಹನಿ ನೀರಾವರಿ ಮೂಲಕ ನೀರು ಒದಗಿಸಲಾಗುತ್ತಿದೆ.