ಪೊಲೀಸರ ನೆರವಿನಲ್ಲಿ ಟೋಕನ್ ವಿತರಣೆ
ಹಿರೀಸಾವೆಯ ಕೇಂದ್ರಕ್ಕೆ ಮಂಗಳವಾರ ಬೆಳಿಗ್ಗೆ ಹೆಚ್ಚು ಬೆಳೆಗಾರರು ಬಂದಿದ್ದರಿಂದ ಗೊಂದಲ ಉಂಟಾಗಿತ್ತು. ನಂತರ ಪೊಲೀಸರ ಸಮ್ಮುಖದಲ್ಲಿ 500 ಮಂದಿಗೆ ಟೋಕನ್ ನೀಡಲಾಯಿತು. ಬೆಳಗಿನ ಜಾವ 5 ಗಂಟೆಯ ವೇಳೆಗೇ ಚಳಿಯಲ್ಲಿ ಮಹಿಳೆಯರು ವೃದ್ಧರು ಸೇರಿದಂತೆ 500ಕ್ಕೂ ಹೆಚ್ಚು ರೈತರು ಸೇರಿದ್ದರು. 9 ಗಂಟೆಗೆ ಸಾವಿರಕ್ಕೂ ಹೆಚ್ಚು ಮಂದಿ ಜಮಾಯಿಸಿದ್ದರು. ದಿನಕ್ಕೆ 100 ರೈತರಿಗೆ ಟೋಕನ್ ನೀಡಲು ಮಾರಾಟ ಮಂಡಳಿಯ ಅಧಿಕಾರಿಗಳು ಮುಂದಾದರು. ಅದರಿಂದ ಮಾತಿನ ಚಕಮುಕಿ ಮತ್ತು ತಳ್ಳಾಟ ನಡೆಯಿತು. ಕೊನೆಗೆ ಮುಂದಿನ ಮಂಗಳವಾರದವರೆಗೆ ಟೋಕನ್ ನೀಡಲಾಯಿತು.