ಹಾವೇರಿ ಜಿಲ್ಲೆಯ ವಿವಿಧೆಡೆ ತಂಪೆರೆದ ಮಳೆ

ಹಾವೇರಿ ನಗರದಲ್ಲಿ ಸಂಜೆ 6 ಗಂಟೆ ಸುಮಾರಿಗೆ ಆರಂಭವಾದ ಮಳೆ ಸುಮಾರು ಅರ್ಧ ತಾಸು ಸುರಿದಿದೆ. ಗುಡುಗು, ಮಿಂಚು ಸಹಿತವಾಗಿ ಮಳೆಯಾಗಿದ್ದು, ಕೆಲ ಸಮಯ ವಿದ್ಯುತ್‌ ವ್ಯತ್ಯಯವಾಗಿದೆ.

ಹಿರೇಕೆರೂರು, ಶಿಗ್ಗಾಂವಿ, ಬ್ಯಾಡಗಿ, ಹಾನಗಲ್ಲ ತಾಲ್ಲೂಕಿನಲ್ಲೂ ಗಾಳಿ, ಗುಡುಗು ಸಹಿತವಾಗಿ ಸಾಧಾರಣ ಮಳೆಯಾಗಿದೆ. ರಣ ಬಿಸಿಲಿನಿಂದ ಕಂಗೆಟ್ಟಿದ್ದ ಜನತೆಗೆ ತಂಪು ನೀಡಿದೆ. ಕಳೆದ ಕೆಲವು ದಿನಗಳಿಂದ ತಾಪಮಾನದಲ್ಲಿ ಭಾರಿ ಏರಿಕೆ ಕಂಡಿದ್ದರಿಂದ ಸೆಕೆ ತಾಳಲಾರದೇ ಜನತೆ ಕಂಗೆಟ್ಟಿದ್ದರು. ಕೆಲವು ಭಾಗಗಳಲ್ಲಿ ಮಳೆಯಾಗದಿದ್ದರೂ ತಂಪನೆಯ ವಾತಾವರಣ ಉಂಟಾಗಿದೆ.