ಭರ್ತಿಯಾಗಿ ಓಡಿದ ವಾರದ ವಿಶೇಷ ಕಲಬುರಗಿ– ಬೆಂಗಳೂರು ರೈಲು

ಎಸ್‌ಎಂವಿಬಿ – ಕೆಎಲ್‌ಬಿಜಿ ವಾರದ ವಿಶೇಷ ರೈಲು ಫೆಬ್ರುವರಿ 28ರಂದು ಕಲಬುರಗಿಯಲ್ಲಿ ಚಾಲನೆಗೊಂಡಿತ್ತು. ಅದಾದ ನಂತರ ಪ್ರತಿ ಶನಿವಾರ ಕಲಬುರಗಿಯಿಂದ ಹೊರಡಬೇಕಿತ್ತು. ಆ ನಂತರ ಒಂದು ದಿನವೂ ಸಂಚಾರ ಮಾಡಿರಲಿಲ್ಲ. ಏಪ್ರಿಲ್ 12ರಂದು ಬೆಂಗಳೂರಿನಿಂದ ಹೊರಟು ಶನಿವಾರ (ಏ.13) ಬೆಳಿಗ್ಗೆ ಕಲಬುರಗಿ ತಲುಪಿತು. ರೈಲಿನ ಎಲ್ಲ ಆಸನಗಳು ಭರ್ತಿಯಾಗಿದ್ದವು. ಶನಿವಾರ ಸಂಜೆ ಬೆಂಗಳೂರಿನತ್ತ ಹೊರಟಾಗಲೂ ಆಸನಗಳು ಭರ್ತಿಯಾಗಿದ್ದವು.

ಬೆಂಗಳೂರಿನಿಂದ ಕಲಬುರಗಿಗೆ ಏಪ್ರಿಲ್ 19, 26 ಹಾಗೂ ಮೇ ತಿಂಗಳಲ್ಲಿ 3, 10, 17, 24, 31 ಮತ್ತು ಜೂನ್ ತಿಂಗಳಲ್ಲಿ 7, 14ರಂದು ಸಂಚರಿಸಲಿದೆ. ಕಲಬುರಗಿಯಿಂದ ಬೆಂಗಳೂರಿಗೆ ಏಪ್ರಿಲ್ 13, 20, 27 ಮತ್ತು ಮೇ ತಿಂಗಳಲ್ಲಿ 4, 11, 18, 25ರಂದು ಹಾಗೂ ಜೂನ್ ತಿಂಗಳಲ್ಲಿ 1, 8, 15ರಂದು ಸಂಚರಿಸಲಿದೆ.