ಮೇ 7ರಂದು ನಡೆದಿದ್ದ ಮತದಾನದ ಎಣಿಕೆ ಕಾರ್ಯವು ಮಂಗಳವಾರ ಇಲ್ಲಿನ ಗವಿಸಿದ್ಧೇಶ್ವರ ಕಲಾ, ವಾಣಿಜ್ಯ ಮತ್ತು ವಿಜ್ಞಾನ ಮಹಾವಿದ್ಯಾಲಯದಲ್ಲಿ ನಡೆಯಿತು. ಆರಂಭದಿಂದಲೂ ಮುನ್ನಡೆ ಕಾಯ್ದುಕೊಂಡು ನಡುವೆ ಒಂದು ಸಲ ಮಾತ್ರ ಹಿನ್ನಡೆ ಅನುಭವಿಸಿದ ರಾಜಶೇಖರ ಹಿಟ್ನಾಳ ಅಂತಿಮವಾಗಿ ತಮ್ಮ ಸಮೀಪದ ಪ್ರತಿಸ್ಪರ್ಧಿ ಬಿಜೆಪಿಯ ಡಾ. ಬಸವರಾಜ ಕ್ಯಾವಟರ್ ಅವರ ವಿರುದ್ಧ ಜಯಭೇರಿ ಮೊಳಗಿಸಿದರು. ರಾಜಶೇಖರ ಹಿಟ್ನಾಳ 6,63,511 ಮತಗಳನ್ನು ಪಡೆದರೆ, ಕ್ಯಾವಟರ್ 6,17,154 ಮತಗಳನ್ನು ಗಳಿಸಿದರು.