ಮಾನ್ವಿ: ‘ವಿಧಾನ ಪರಿಷತ್‌ ಈಶಾನ್ಯ ಪದವೀಧರ ಕ್ಷೇತ್ರದ ಚುನಾವಣೆಯ ಅಂಗವಾಗಿ ತಾಲ್ಲೂಕಿನಲ್ಲಿ ಮೂರು ಮತಗಟ್ಟೆಗಳನ್ನು ಸ್ಥಾಪಿಸಲಾಗಿದೆ’ ಎಂದು ತಹಶೀಲ್ದಾರ್ ಜಗದೀಶ್ ಚೌರ ತಿಳಿಸಿದ್ದಾರೆ.
ಈ ಕುರಿತು ಮಾಹಿತಿ ನೀಡಿದ ಅವರು, ‘ಜೂನ್ 3 ರಂದು ಮತದಾನ ನಡೆಯಲಿದ್ದು ತಾಲ್ಲೂಕಿನಲ್ಲಿ ಒಟ್ಟು 1,946 ಪದವೀಧರ ಮತದಾರರು ಇದ್ದಾರೆ. ತಾಲ್ಲೂಕಿನ ಕುರ್ಡಿ, ಹಿರೇಕೊಟ್ನೆಕಲ್ ಮತ್ತು ಮಾನ್ವಿ ಪಟ್ಟಣ ಸೇರಿ ಮೂರು ಕಡೆ ಮತಗಟ್ಟೆ ವ್ಯವಸ್ಥೆ ಮಾಡಲಾಗಿದೆ’ ಎಂದರು.
‘ಕುರ್ಡಿ ಮತಗಟ್ಟೆ ವ್ಯಾಪ್ತಿಯಲ್ಲಿ 255 ಪುರುಷರು, 68 ಮಹಿಳೆಯರು ಸೇರಿ ಒಟ್ಟು 323 ಮತದಾರರಿದ್ದಾರೆ. ಮಾನ್ವಿ ಪಟ್ಟಣದ ಮತಗಟ್ಟೆ ವ್ಯಾಪ್ತಿಯಲ್ಲಿ 846 ಪುರುಷರು, 468 ಮಹಿಳೆಯರು ಸೇರಿ ಒಟ್ಟು 1,314 ಮತದಾರರು ಇದ್ದಾರೆ. ಹಿರೇಕೊಟ್ನೆಕಲ್ ಮತಗಟ್ಟೆಯ ವ್ಯಾಪ್ತಿಯಲ್ಲಿ 219 ಪುರುಷರು, 90 ಮಹಿಳೆಯರು ಸೇರಿ ಒಟ್ಟು 309 ಮತದಾರರಿದ್ದಾರೆ’ ಎಂದು ತಿಳಿಸಿದರು.
