ತಿಪಟೂರು | ಮಳೆಯ ಸಿಂಚನ: ರೈತರಲ್ಲಿ ಮಂದಹಾಸ

ಮಂಗಳವಾರ ಮಧ್ಯಾಹ್ನದ ವೇಳೆಗೆ ಪೂರ್ವ ಮುಂಗಾರು ಮಳೆಯಾಗಿದ್ದು ತಾಲ್ಲೂಕಿನಾದ್ಯಂತ ರೈತರು ಸಂತಸಗೊಂಡಿದ್ದಾರೆ. ಹಿಂದಿನಿಂದಲೂ ‘ಭರಣಿ ಮಳೆಯಾದರೆ ಧರಣಿಯೆಲ್ಲಾ ಬೆಳೆ’ ಎಂಬ ನಾನ್ನುಡಿಯಿದೆ. ಪೂರ್ವ ಮುಂಗಾರು ಮಳೆ ಕೃಷಿ ಚಟುವಟಿಕೆಗೆ ತೊಡಗಲು ರೈತರಿಗೆ ಭರವಸೆ ಮೂಡಿಸಿದೆ.

ಆಲಿಕಲ್ಲು ಮಳೆ: ತಿಪಟೂರು ತಾಲ್ಲೂಕಿನ ಹೊನ್ನವಳ್ಳಿ ಹೋಬಳಿಯ ನೆಲಗೊಮಡನಹಳ್ಳಿ, ವಿರುಪಾಕ್ಷಿಪುರ, ಪಟ್ರೇಹಳ್ಳಿ, ಮತ್ತೀಹಳ್ಳಿ ಸೇರಿದಂತೆ ಹಲವು ಗ್ರಾಮಗಳಲ್ಲಿ ಆಲಿಕಲ್ಲು ಸಹಿತ ಮಳೆಯಾಗಿದೆ.