18ರಂದು ಶಿರೂರು ಶ್ರೀಗಳಿಗೆ ಶ್ರದ್ಧಾಂಜಲಿ

7

18ರಂದು ಶಿರೂರು ಶ್ರೀಗಳಿಗೆ ಶ್ರದ್ಧಾಂಜಲಿ

Published:
Updated:

ಉಡುಪಿ: ಶಿರೂರು ಮಠದ ಲಕ್ಷ್ಮೀವರತೀರ್ಥ ಸ್ವಾಮೀಜಿ ಅವರಿಗೆ ಇದೇ 18ರಂದು ರಾಜಾಂಗಣದ ಬಳಿಯಿರುವ ಮಥುರಾ ಕಂಫರ್ಟ್‌ ಸಭಾಂಗಣದಲ್ಲಿ ಸಾರ್ವಜನಿಕ ಶ್ರದ್ಧಾಂಜಲಿ ಸಭೆ ಏರ್ಪಡಿಸಲಾಗಿದೆ ಎಂದು ಶಿರೂರು ಸ್ವಾಮೀಜಿ ಅಭಿಮಾನಿ ಸಮಿತಿ ಅಧ್ಯಕ್ಷ ರಾಧಾಕೃಷ್ಣ ಶೆಟ್ಟಿ ತಿಳಿಸಿದರು.

ಗುರುವಾರ ಪತ್ರಿಕಾಗೋಷ್ಠಿಯಲ್ಲಿ ಮಾತನಾಡಿದ ಅವರು, ಅಂದು ಕಾರ್ಯಕ್ರಮ ಆರಂಭವಾಗುವ ಮುನ್ನ ಶಿರೂರು ಸ್ವಾಮೀಜಿ ಅಭಿಮಾನಿ ಬಳಗ, ಹುಲಿವೇಷ ತಂಡ ಹಾಗೂ ಇತರೆ ಸಂಘ ಸಂಸ್ಥೆಗಳು, ಕಲಾವಿದರು ಹಾಗೂ ಜನಪ್ರತಿನಿಧಿಗಳು ರಥಬೀದಿಯ ಸುತ್ತ ಒಂದು ಪ್ರದಕ್ಷಿಣಿ ಹಾಕಲಿದ್ದಾರೆ. ಬಳಿಕ ಕೃಷ್ಣಮಠದ ಆವರಣದಲ್ಲಿರುವ ಶಿರೂರು ಮಠದ ಎದುರು ಸ್ವಾಮೀಜಿ ಭಾವಚಿತ್ರಕ್ಕೆ ಪುಷ್ಪಾರ್ಚನೆ ಮಾಡುವ ಮೂಲಕ ಶ್ರದ್ಧಾಂಜಲಿ ಸಲ್ಲಿಸಲಾಗುತ್ತದೆ ಎಂದು ಹೇಳಿದರು.

ಮಧ್ಯಾಹ್ನ 2ರಿಂದ ಸಂಜೆ 4ರವರೆಗೆ ವಿವಿಧ ಭಜನಾ ತಂಡಗಳಿಂದ ಭಜನೆ ನಡೆಯಲಿದೆ. ಸಂಜೆ 4ರಿಂದ 5ವರೆಗೆ ವೃಂದಾವನಸ್ಥ ಶ್ರೀಗಳಿಗೆ ಶ್ರದ್ಧಾಂಜಲಿ ನಡೆಯಲಿದೆ. ಕೇಮಾರು ಮಠದ ಈಶವಿಠಲ ಸ್ವಾಮೀಜಿ, ಬಾರ್ಕೂರು ಮಹಾ ಸಂಸ್ಥಾನಂನ ಸಂತೋಷ್‌ ಗೂರೂಜಿ, ವಕೀಲ ರವಿಕಿರಣ್‌ ಮುರುಡೇಶ್ವರ್‌ ಸೇರಿದಂತೆ ಹಲವರು ನುಡಿ ನಮನ ಸಲ್ಲಿಸಲಿದ್ದಾರೆ ಎಂದು ಹೇಳಿದರು.

ಶಿರೂರು ಶ್ರೀಗಳು ನಿಧನರಾಗಿ ತಿಂಗಳು ಕಳೆಯುತ್ತಾ ಬಂದರೂ ಇದುವರೆಗೆ ಅವರ ಆರಾಧನೆ ಮಾಡದಿರುವುದು ಬೇಸರ ತಂದಿದೆ. ಹಾಗಾಗಿ, ಅವರ ಶಿಷ್ಯರು, ಅಭಿಮಾನಿಗಳು ಆರಾಧನೆ ನಡೆಸುತ್ತಿದ್ದೇವೆ ಎಂದರು.

ಕಾರ್ಯದರ್ಶಿ ನವೀನ್‌ ರಾವ್‌, ಜಯರಾಮ್‌ ಅಂಬೆಕಲ್ಲು, ಸುನೀಲ್‌ ಬೈಲಕರೆ ಉಪಸ್ಥಿತರಿದ್ದರು.

‘ಹುಲಿವೇಷ ಸ್ಪರ್ಧೆ ಆಯೋಜನೆ’

ಶಿರೂರು ಶ್ರೀಗಳು ಶ್ರೀಕೃಷ್ಣ ಜನ್ಮಾಷ್ಟಮಿ, ವಿಟ್ಲ ಪಿಂಡಿ ಮಹೋತ್ಸವವನ್ನು ವಿಶಿಷ್ಟ ರೀತಿಯಲ್ಲಿ ಆಚರಿಸುತ್ತಿದ್ದರು. ಈ ಬಾರಿ ಕೃಷ್ಣ ಜನ್ಮಾಷ್ಟಮಿಗೆ ಶ್ರೀಗಳ ಅನುಪಸ್ಥಿತಿ ಭಕ್ತರನ್ನು ಕಾಡಲಿದೆ. ಉದ್ಯಮಿ ರಂಜನ್‌ ಕಲ್ಕೂರ್‌ ನೇತೃತ್ವದಲ್ಲಿ ಹುಲಿವೇಷದ ಸ್ಪರ್ಧೆ ಆಯೋಜಿಸಲಾಗುವುದು. ಇದಕ್ಕೆ ಶಿರೂರು ಸ್ವಾಮೀಜಿ ಅಭಿಮಾನಿ ಸಮಿತಿ ಸಹಕಾರ ನೀಡಲಿದೆ. ಈ ಸಮಿತಿಗೆ ಅನ್ನವಿಠಲ ಅಥವಾ ಶಿರೂರು ಲಕ್ಷ್ಮೀವರ ಸ್ವಾಮೀಜಿ ಅವರ ಹೆಸರು ಇಡುವಂತೆ ಸೂಚಿಸಲಾಗಿದೆ ಎಂದು ಶಿರೂರು ಸ್ವಾಮೀಜಿ ಅಭಿಮಾನಿ ಸಮಿತಿ ಅಧ್ಯಕ್ಷ ರಾಧಾಕೃಷ್ಣ ಶೆಟ್ಟಿ ತಿಳಿಸಿದರು.


ಶಿರೂರು ಶ್ರೀಗಳ ಅಭಿಮಾನಿ ಸಮಿತಿಯಿಂದ ಪತ್ರಿಕಾಗೋಷ್ಠಿ

 

ಬರಹ ಇಷ್ಟವಾಯಿತೆ?

  • 1

    Happy
  • 0

    Amused
  • 0

    Sad
  • 0

    Frustrated
  • 0

    Angry

Comments:

0 comments

Write the first review for this !