ಆತಂಕ ಸೃಷ್ಟಿಸಿದ ವಿದೇಶಿ ಪ್ರಯಾಣಿಕ !

‘ಬಸ್ ಇಳಿದ ಆ ವ್ಯಕ್ತಿ, ಆಟೊರಿಕ್ಷಾ ಹತ್ತಿದ್ದು, ಜಡೆಗೆ ಹೋಗುವುದಾಗಿ ಪಕ್ಕದವರೊಂದಿಗೆ ಹೇಳಿದ್ದನ್ನು ಕೇಳಿಸಿಕೊಂಡಿದ್ದೆ. ಕೈಗೆ ಚಪ್ಪೆ ಇರುವ, ಕ್ವಾರಂಟೀನ್‌ನಲ್ಲಿರುವವರು ಈ ರೀತಿ ಬಸ್ ಪ್ರಯಾಣ ಮಾಡಿದರೆ, ಸಹ ಪ್ರಯಾಣಿಕರಿಗೆ ಭಯವಾಗುತ್ತದೆ. ಆಡಳಿತ ಇಂತಹವರ ಮೇಲೆ ಕ್ರಮ ಕೈಗೊಳ್ಳಬೇಕು’ ಎಂದು ಪ್ರಯಾಣಿಕರೊಬ್ಬರು ‘ಪ್ರಜಾವಾಣಿ’ ಬಳಿ ಹೇಳಿದರು.

‘ವಿದೇಶದಲ್ಲಿದ್ದ ಈ ವ್ಯಕ್ತಿ ಭಾನುವಾರ ಬೆಂಗಳೂರಿಗೆ ಬಂದು, ಅಲ್ಲಿಂದ ಶಿರಸಿಗೆ ಬಸ್‌ನಲ್ಲಿ ಬಂದಿದ್ದಾರೆ. ಖಾಸಗಿ ವಾಹನ ಮಾಡಿಸಿಕೊಂಡು ಊರಿಗೆ ಬಂದಿದ್ದಾರೆ. ಅಧಿಕಾರಿಗಳು ಅವರ ಮನೆಗೆ ಭೇಟಿ ನೀಡಿದ್ದಾರೆ. 14 ದಿನಗಳವರೆಗೆ ಮನೆಯಲ್ಲೇ ಇರುವಂತೆ ಸೂಚಿಸಿದ್ದಾರೆ. ಈ ವ್ಯಕ್ತಿಗೆ ಕೊರೊನಾ ಸೋಂಕಿನ ಯಾವುದೇ ಲಕ್ಷಣಗಳಿಲ್ಲ. ಸದ್ಯ ಆರೋಗ್ಯವಾಗಿದ್ದಾರೆ’ ಎಂದು ಜಡೆ ಗ್ರಾಮಸ್ಥರೊಬ್ಬರು ಮಾಹಿತಿ ನೀಡಿದರು.

ಹೆಚ್ಚುತ್ತಿರುವ ವಿದೇಶಿ ನಿವಾಸಿಗಳು

ವಿವಿಧ ದೇಶಗಳಲ್ಲಿ ಕೋವಿಡ್–19 ವ್ಯಾಪಿಸುತ್ತಿದ್ದಂತೆ, ವಿದೇಶದಲ್ಲಿ ನೆಲೆಸಿದ್ದ ಜನರು ಊರಿಗೆ ಮರಳುತ್ತಿದ್ದಾರೆ. ಕಳೆದ 20 ದಿನಗಳಿಂದ 90ಕ್ಕೂ ಹೆಚ್ಚು ಜನರು ಶಿರಸಿಗೆ ಬಂದಿದ್ದಾರೆ. ಅನೇಕರು ಕ್ವಾರಂಟೀನ್ ಮುಗಿಸಿದ್ದು, ಇನ್ನು ಹಲವರು ಕ್ವಾರಂಟೀನ್‌ನಲ್ಲಿದ್ದಾರೆ.