ಶಿರಸಿ: ಅರಣ್ಯ ಅಭಿವೃದ್ಧಿಗಾಗಿ ಮಂಜೂರಾದ ಕೋಟ್ಯಂತರ ರೂಪಾಯಿ ಹಣ ದುರ್ಬಳಕೆ ಆರೋ‍ಪ

ಕಾತೂರ ವಲಯ ಅರಣ್ಯ ಪ್ರದೇಶದ ಕಾತೂರ, ಚಳಗೇರಿ, ಕೂರ್ಲಿ, ರಾಮಾಪೂರ, ಪಾಳಾ ವ್ಯಾಪ್ತಿಯಲ್ಲಿ ತಲಾ ಒಂದು ಪ್ಲಾಂಟೇಷನ್ ಇವೆ. ಭದ್ರಾಪೂರ ಅರಣ್ಯ ಪುದೇಶದಲ್ಲಿ ಎರಡು ಪ್ಲಾಂಟೇಷನ್ ಇವೆ. ಪ್ರತಿ ಪ್ಲಾಂಟೇಷನ್‌ಗೆ 25 ಹೆಕ್ಟೆರ್‌ನಂತೆ ಎಲ್ಲ ಪ್ಲಾಂಟೇಷನ್‌ನಲ್ಲಿ ಐದು ಸಾವಿರ ಸಸಿಗಳನ್ನು ಹಚ್ಚಿದ್ದಾರೆ. ಪಿಟ್ (ಗುಂಡಿ) ಸೈಜ್ ಕಡಿಮೆ ಮಾಡಿ ಲೂಟಿ ಮಾಡಲಾಗಿದೆ. 75X75 ಅಳತೆಯ ಪಿಟ್ ತೆಗೆಯುವ ಬದಲಾಗಿ 45X45 ಅಳತೆಯ ಪಿಟ್ ತೆಗೆದಿದ್ದಾರೆ. ಒಂದು ಗುಂಡಿಗೆ ₹25 ಖರ್ಚು ಮಾಡಿ, ₹113 ಖರ್ಚು ಹಾಕಿದ್ದಾರೆ. ಈಗಲೂ 45X45 ಅಳತೆಯ ಪಿಟ್‌ ತೆಗೆಸುತ್ತಿದ್ದಾರೆ ಎಂದು ದೂರಿದ್ದಾರೆ.

ಅರಣ್ಯ ಸಸಿ ಪ್ಯಾಂಟೇಷನ್‌ನಲ್ಲಿ ಜೂನ್ ತಿಂಗಳಲ್ಲಿ ಕಳೆ ನಿಯಂತ್ರಣ ಮಾಡಬೇಕಿದೆ. ಅದನ್ನು ಮಾಡದೇ ಪ್ರತಿ ಹೆಕ್ಟೆರ್‌ಗೆ ₹3 ಸಾವಿರ ಖರ್ಚು ಹಾಕಿದ್ದಾರೆ. ಅಕ್ಟೋಬರ್‌ನಲ್ಲಿ ಎರಡನೇ ಹಂತದ ಕಳೆ ನಿಯಂತ್ರಣ ಮಾಡಬೇಕಿದೆ. ಅದನ್ನೂ ಮಾಡದೇ ಪ್ರತಿ ಹೆಕ್ಟೆರ್‌ಗೆ ₹1800 ಖರ್ಚು ಹಾಕಿದ್ದಾರೆ ಎಂದು ತಿಳಿಸಿದ್ದಾರೆ.

ಕಾತೂರ ವಲಯ ಅರಣ್ಯ ಪ್ರದೇಶದ ಆರು ಸೆಕ್ಷನ್‌ನಲ್ಲಿ ನಿರ್ಮಿಸಿದ ಪ್ಲಾಂಟೇಷನ್‍ನಲ್ಲಿ ಹಚ್ಚಲಾದ ಅರಣ್ಯ ಸಸಿಗಳಿಗೆ ಬರಾವು ಮಾಡಿಲ್ಲ. ಆದರೆ ದಾಖಲಾತಿಯಲ್ಲಿ ಮಾತ್ರ ಬರಾವು ಮಾಡಿದ್ದನ್ನು ಸೃಷ್ಟಿಸಿ ಹಣ ನುಂಗಲಾಗಿದೆ. ಮಂಜೂರಾದ ಹಣದಲ್ಲಿ ಶೇ 30ರಷ್ಟು ಕಾಮಗಾರಿ ಮಾಡಿರುವುದು ಕಂಡು ಬಂದಿದೆ. ಹಾಗಾಗಿ ಅವರನ್ನು ಅಮಾನತ್ತು ಮಾಡಿ, ಕಾನೂನು ಕ್ರಮವಹಿಸಬೇಕು. ನುಂಗಿದ ಹಣವನ್ನು ವಸೂಲಿ ಮಾಡಿ ಸರ್ಕಾರಿ ಖಜಾನೆಗೆ ಜಮೆ ಮಾಡಿಸುವಂತೆ ಪ್ರಕಟಣೆಯಲ್ಲಿ ಆಗ್ರಹಿಸಿದ್ದಾರೆ.