ಎಂಜಿನಿಯರ್, ಉದ್ಯಮಿ, ವಕೀಲ ಹೀಗೆ ವಿವಿಧ ವೃತ್ತಿಯಲ್ಲಿದ್ದ ಎಂಟು ಯುವಜನರು, ಅದನ್ನು ಬದಿಗೆ ಸರಿಸಿ, ಕಥಾ ನಿರೂಪಣೆಯನ್ನೇ ನೆಚ್ಚಿಕೊಂಡಿದ್ದಾರೆ. ಲಯನ್ಸ್, ಚಂದನ, ಶ್ರೀನಿಕೇತನ, ಎಂಇಎಸ್, ಡಾನ್ಬೋಸ್ಕೊ, ಬಾಲಮಂದಿರದ ಹಾಸ್ಟೆಲ್ ವಿದ್ಯಾರ್ಥಿಗಳು ಕಥಾ ನಿರೂಪಣೆಯ ಪ್ರಯೋಜನ ಪಡೆದರು. ಮೊಕ್ಸಿ ಮತ್ತು ಹಾಪರ್ ತಂಡದವರು, ಕಥೆಯನ್ನಷ್ಟೇ ಹೇಳದೆ, ಧ್ವನಿಗಳ ಏರಿಳಿತ, ಅಭಿನಯ, ಗೀತೆ, ಅನುಕರಣೆ, ಬೆಳಕು-ನೆರಳಿನ ಸಂಯೋಜನೆ, ಛಾಯಾ ಪ್ರದರ್ಶನ, ಕೈಗೊಂಬೆ ಪ್ರದರ್ಶನ ಇತ್ಯಾದಿಗಳ ಜೊತೆಗೆ ಕೇಳುಗರ ನಡುವೆಯೇ ಓಡಾಡಿಕೊಂಡು ಕಥೆ ಹೇಳಿದರು. ಮಕ್ಕಳಿಗೆ ಮನರಂಜನೆ ಜೊತೆಗೆ ನೀತಿಪಾಠಗಳನ್ನು ತಿಳಿಸಿದರು.