ʼಮಧ್ಯಾಹ್ನ ವೇಳೆ ಗಾಳಿ, ಮಳೆ ಇಲ್ಲದಿದ್ದರೂ ಏಕಾಏಕಿ ಬೃಹತ್ ಮರ ಗ್ಯಾರೇಜ್ ಮೇಲೆ ಉರುಳಿ ಬಿದ್ದಿತು. ಗ್ಯಾರೇಜ್ನಲ್ಲಿ ಕುಳಿತಿದ್ದವರು ಹೊರಬರಲು ಆಗದೇ ಅಲ್ಲಿಯೇ ಕುಳಿತುಕೊಂಡರು. ನಾಲ್ಕೈದು ಬೈಕ್ಗಳ ಮೇಲೆ ಮರದ ಟೊಂಗೆಗಳು ಬಿದ್ದು, ಬೈಕ್ಗಳು ಜಖಂಗೊಂಡಿವೆ. ಗ್ಯಾರೇಜ್ ಮೇಲೂ ಮರ ಬಿದ್ದಿರುವುದರಿಂದ, ಲಕ್ಷಾಂತರ ರೂಪಾಯಿ ಹಾನಿಯಾಗಿದೆ. ಪಕ್ಕದಲ್ಲಿರುವ ವೆಲ್ಡಿಂಗ್ ಅಂಗಡಿಯ ಮೇಲೂ ಮರದ ಟೊಂಗೆಗಳು ಮುರಿದು ಬಿದ್ದಿರುವುದರಿಂದ, ಅಲ್ಲಿಯೂ ಹಾನಿಯಾಗಿದೆ’ ಎಂದು ಗ್ಯಾರೇಜ್ ಮಾಲೀಕ ಪ್ರಮೋದ ಕಡಗೋಡ ಹೇಳಿದರು.
