ಚಂಡೀಗಢ: ಲೋಕಸಭಾ ಚುನಾವಣೆಯ ನೀತಿ ಸಂಹಿತೆ ಜಾರಿಯಾದಾಗಿನಿಂದ ಪಂಜಾಬ್ನಲ್ಲಿ ₹801 ಕೋಟಿಯ ಮದ್ಯ, ಮಾದಕ ವಸ್ತು, ನಗದನ್ನು ವಶಪಡಿಸಿಕೊಳ್ಳಲಾಗಿದೆ ಎಂದು ಮುಖ್ಯ ಚುನಾವಣಾಧಿಕಾರಿ ಸಿ.ಸಿಬಿನ್ ಶುಕ್ರವಾರ ತಿಳಿಸಿದ್ದಾರೆ.
ಇದರ ಪೈಕಿ ₹716.70 ಕೋಟಿ ಮೊತ್ತದ ಮಾದಕ ವಸ್ತು, ₹26.75 ಕೋಟಿ ದಾಖಲೆ ಇಲ್ಲದ ಹಣ, ₹23.86 ಕೋಟಿಯ ಅಮೂಲ್ಯ ಲೋಹಗಳು ಮತ್ತು ₹7.17 ಕೋಟಿ ಮೊತ್ತದ ಉಡುಗೊರೆಗಳು ಸೇರಿವೆ ಎಂದು ಹೇಳಿದ್ದಾರೆ.
2019ರ ಚುನಾವಣೆಯ ಅವಧಿಯಲ್ಲಿ ₹284 ಕೋಟಿ ಮೊತ್ತದ ವಸ್ತುಗಳನ್ನು ವಶಪಡಿಸಿಕೊಳ್ಳಲಾಗಿತ್ತು ಎಂದು ತಿಳಿಸಿದರು.
