ತುಳು ಸಿನಿಮಾರಂಗದಿಂದ ಚಂದನವನಕ್ಕೆ ಕಾಲಿಡುತ್ತಿರುವ ರೂಪೇಶ್, ಸಿನಿಮಾದ ನಾನಾ ವಿಭಾಗಗಳಲ್ಲಿ ಕೆಲಸ ಮಾಡಿದ್ದಾರೆ. ನಟನಾಗಿ ಮತ್ತು ನಿರ್ದೇಶಕನಾಗಿ ಅವರು ತುಳು ಚಿತ್ರರಂಗದಲ್ಲಿ ಮಿಂಚಿದ್ದಾರೆ. ತುಳುವಿನ ‘ಸರ್ಕಸ್‌’ ಅವರಿಗೆ ಖ್ಯಾತಿ ತಂದ ಸಿನಿಮಾ. ‘ಡೇಂಜರ್ ಝೋನ್’, ‘ನಿಶ್ಶಬ್ದ-2’, ‘ಅನುಷ್ಕಾ’, ‘ಮಂಕು ಭಾಯ್‌ ಫಾಕ್ಸಿ ರಾಣಿ’ ಸೇರಿದಂತೆ ಹಲವು ಚಿತ್ರಗಳಲ್ಲಿ ನಟಿಸಿರುವ ರೂಪೇಶ್ ಇದೀಗ ಹೊಸ ಪ್ರಾಜೆಕ್ಟ್‌ನಲ್ಲಿ ತೊಡಗಿಸಿಕೊಂಡಿದ್ದಾರೆ. ಚಿತ್ರದಲ್ಲಿ ರೂಪೇಶ್‌ಗೆ ನಾಯಕಿಯಾಗಿ ‘ಬೃಹತಿ’ ಎಂಬ ಪಾತ್ರದಲ್ಲಿ ನಿರೂಪಕಿ ಜಾಹ್ನವಿ ನಟಿಸಿದ್ದು, ಇದು ಅವರ ಚೊಚ್ಚಲ ಸಿನಿಮಾ.
