‘ಬಧಾಯಿ ಹೋ’ ಸಿನಿಮಾದಲ್ಲಿ ಆಯುಷ್ಮಾನ್ ಅವರು ‘ನಕುಲ್’ ಪಾತ್ರಕ್ಕೆ ಬಣ್ಣ ಹಚ್ಚಿದ್ದರು. ಹೊಸ ಕೆಲಸಕ್ಕೆ ಸೇರಿದ ಖುಷಿಯಲ್ಲಿ ನಕುಲ್, ಗೆಳತಿಯೊಂದಿಗೆ ಮದುವೆಯಾಗುವ ಕನಸು ಕಾಣುತ್ತಿರುತ್ತಾನೆ. ಅದೇ ವೇಳೆ ಅವರ 50 ವರ್ಷದ ತಾಯಿ ಗರ್ಭಿಣಿಯಾಗಿರುವ ವಿಷಯ ಸಿಡಿಲಿನಂತೆ ಬಂದು ಬಡಿಯುತ್ತದೆ. ಮುಂದೆ ನಾಯಕನ ಬದುಕಿನಲ್ಲಿ ಸಾಕಷ್ಟು ತಮಾಷೆ, ಗಂಭೀರ ಸಂಗತಿಗಳು ನಡೆದು ಬದುಕೇ ಬದಲಾದಂತೆ ಕಾಣುತ್ತದೆ. ಈ ಸಿನಿಮಾ ಕನ್ನಡ, ತಮಿಳು, ತೆಲುಗು, ಮಲಯಾಳಂ ಭಾಷೆಯಲ್ಲೂ ರಿಮೇಕ್ ಆಗುತ್ತಿದೆಯಂತೆ.