ಗುರುವಾರ , ಜೂನ್ 17, 2021
29 °C
ಮಕ್ಕಳ ಕವಿತೆ

ನವಿಲೆ ನವಿಲೆ

ಡಿ.ಎನ್. ಅಕ್ಕಿ Updated:

ಅಕ್ಷರ ಗಾತ್ರ : | |

Prajavani

ತಲೆಯ ಮೇಲೆ ಮೂರುಜುಟ್ಟು

ಗರಿಯ ತುಂಬಾ ಕಣ್ಣುಬೊಟ್ಟು

ನೀಲಿ ಹಸಿರು ಬಣ್ಣ ತೊಟ್ಟು

ಎತ್ತ ಹೊರಟೆ ನವಿಲೆ 

 

ಗಗನದಲ್ಲಿ ಕರಿಯ ಮುಗಿಲು

ಸುರಿವ ಮಳೆಯ ಹಿಗ್ಗೊಳು

ನಲ್ಲೆಯೊಡನೆ ಆಡಲು

ಕೇಕೇ ಹಾಕಿ ಕುಣಿಯಲು 

 

ಮೋಡ ಕವಿದ ಕತ್ತಲು

ಗುಡುಗು ಮಿಂಚು ಸುತ್ತಲು

ಭಯವಾಗದೆ ನಿನಗೆ ನವಿಲೆ

ಈ ದಟ್ಟ ಕಾಡು ಪೊದೆಯೊಳು 

 

ಕಾಡೊಳುಂಟು ಗೆಳೆಯರು

ಹೂವುಬಳ್ಳಿ ಮರ ಬಿದಿರು 

ಸವಿಯಹಣ್ಣು ಮಧುರಜೇನು

ಎಲ್ಲಾ ಇಹುದು ವನದೊಳು 

 

ಮಗು ತರಿಯಬೇಡ ಕಂಟಿಯ

ಕಡಿಯದಿರು ಗಿಡಗಂಟೆಯ

ಕಾಡೆತಾಯಿ ಕಾಡೆ ತಂದೆ

ಕಾಡೇ ನಮ್ಮ ತವರು

ಜೀವ ಪೊರೆವ ದೇವರು 

ಫಲಿತಾಂಶ 2021 ಪೂರ್ಣ ಮಾಹಿತಿ ಇಲ್ಲಿದೆ

ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.