ನೆಲಮಂಗಲ: ‘ಪೆಂಕಾಕ್ ಸಿಲತ್ ಭಾರತೀಯ ಮೂಲದ ರಕ್ಷಣಾತ್ಮಕ ಸಮರ ಕಲೆ. ಇದು ಏಷ್ಯಾ ಖಂಡದಾದ್ಯಂತ ಪ್ರಖ್ಯಾತಿ ಪಡೆದಿದೆ’ ಎಂದು ರಾಷ್ಟ್ರೀಯ ಪೆಂಕಾಕ್ ಸಿಲತ್ ಸಂಸ್ಥೆ ತಾಂತ್ರಿಕ ನಿರ್ದೇಶಕ ಅಬ್ದುಲ್ ರಜಾಕ್ ಟೈಲರ್ ತಿಳಿಸಿದರು.
ಪ್ರಾದೇಶಿಕ ಪೆಂಕಾಕ್ ಸಿಲತ್ ಸಂಸ್ಥೆಯು ಪಟ್ಟಣದಲ್ಲಿ ಹಮ್ಮಿಕೊಂಡಿದ್ದ ‘ಒಲಂಪಿಕ್ ಕಡೆಗೆ ಪೆಂಕಾಕ್ ಸಿಲತ್ ನಡಿಗೆ’ ವಿಚಾರಗೋಷ್ಠಿಯ ಅಧ್ಯಕ್ಷತೆ ವಹಿಸಿ ಅವರು ಮಾತನಾಡಿದರು.
‘2018ರಲ್ಲಿ ನಡೆಯುವ 18ನೇ ಏಷ್ಯನ್ ಗೇಮ್ಸ್ ಕ್ರೀಡಾಕೂಟದಲ್ಲಿ ಪೆಂಕಾಕ್ ಸಿಲತ್ ಸಮರ ಕಲೆಗೂ ಸ್ಥಾನ ಸಿಕ್ಕಿದೆ. ಒಲಂಪಿಕ್ಸ್ನಲ್ಲೂ ಅರ್ಹತೆ ಪಡೆಯುವ ಎಲ್ಲ ಪ್ರಯತ್ನಗಳನ್ನು ಮಾಡುತ್ತಿದ್ದೇವೆ’ ಎಂದರು.