ಷೇರುಪೇಟೆ ಮೇಲೆ ಆರ್‌ಬಿಐ ನೀತಿ ಪ್ರಭಾವ

ಸೋಮವಾರ, ಜೂನ್ 17, 2019
31 °C

ಷೇರುಪೇಟೆ ಮೇಲೆ ಆರ್‌ಬಿಐ ನೀತಿ ಪ್ರಭಾವ

Published:
Updated:
ಷೇರುಪೇಟೆ ಮೇಲೆ ಆರ್‌ಬಿಐ ನೀತಿ ಪ್ರಭಾವ

ನವದೆಹಲಿ: ಅಲ್ಪಾವಧಿ ಬಡ್ಡಿ ದರ ನಿಗದಿಪಡಿಸುವ ಆರ್‌ಬಿಐ ಸಭೆ, ತಯಾರಿಕೆ ಮತ್ತು ಸೇವಾ ವಲಯದ ಅಂಕಿ ಅಂಶ,  ಕಚ್ಚಾ ತೈಲದ ಬೆಲೆ ಮತ್ತು ವಿದೇಶಿ ಹೂಡಿಕೆದಾರರು ತಳೆಯಲಿರುವ ಧೋರಣೆಯು ಈ ವಾರ ದೇಶಿ ಷೇರುಪೇಟೆಯ ವಹಿವಾಟಿನ ದಿಕ್ಕನ್ನು ನಿರ್ಧರಿಸಲಿದೆ.

ಎಲ್ಲಕ್ಕಿಂತ ಮುಖ್ಯವಾಗಿ ಆರ್‌ಬಿಐ ನಿರ್ಧಾರವನ್ನು ಎಲ್ಲರೂ ಕುತೂಹಲದಿಂದ ಎದುರು ನೋಡುತ್ತಿದ್ದಾರೆ.

ಸೆಪ್ಟೆಂಬರ್‌ ತಿಂಗಳಲ್ಲಿ ಬಿಎಸ್‌ಇ ಸಂವೇದಿ ಸೂಚ್ಯಂಕ ಮತ್ತು ‘ನಿಫ್ಟಿ’ ಮೂರು ವಾರಗಳ ವಹಿವಾಟಿನಲ್ಲಿ ಕುಸಿತ ದಾಖಲಿಸಿವೆ. ಇವೆರಡೂ ಸೂಚ್ಯಂಕಗಳು ಕ್ರಮವಾಗಿ 638 ಮತ್ತು 175 ಅಂಶಗಳಷ್ಟು ಕುಸಿತ ಕಂಡಿವೆ.

ಕಳೆದ ವಾರ ಕಚ್ಚಾ ತೈಲ ಬೆಲೆ ಏರಿಕೆಯಾಗಿತ್ತು. ಡಾಲರ್‌ ಎದುರು ರೂಪಾಯಿ ವಿನಿಮಯ ದರ ಕುಸಿತ ಕಂಡಿತ್ತು. ವಿದೇಶಿ ಸಾಂಸ್ಥಿಕ ಹೂಡಿಕೆದಾರರು (ಎಫ್‌ಐಐ) ಷೇರುಗಳ ಮಾರಾಟಕ್ಕೆ ಆದ್ಯತೆ ನೀಡಿದ್ದರು. ದೇಶಿ ಸಾಂಸ್ಥಿಕ ಹೂಡಿಕೆದಾರರು ಮಾತ್ರ ಪೇಟೆಯ ಬೆಂಬಲಕ್ಕೆ ನಿಂತಿದ್ದರು. ಸೆಪ್ಟೆಂಬರ್ ತಿಂಗಳಿನಲ್ಲಿ ‘ಎಫ್‌ಐಐ’ಗಳು ಪೇಟೆಯಿಂದ ₹ 11 ಸಾವಿರ ಕೋಟಿ ಹೊರಗೆ ಸಾಗಿಸಿವೆ.

‘ತ್ರೈಮಾಸಿಕ ಹಣಕಾಸು ಸಾಧನೆ ನಿರೀಕ್ಷಿತ ಮಟ್ಟದಲ್ಲಿ ಇದ್ದರೆ, ವಿದೇಶಿ ಸಾಂಸ್ಥಿಕ ಹೂಡಿಕೆದಾರರು ಪೇಟೆ ಕಡೆಗೆ ಮತ್ತೆ ಮುಖ ಮಾಡಲಿದ್ದಾರೆ’ ಎಂದು  ಅರಿಹಂತ್‌ ಕ್ಯಾಪಿಟಲ್‌ ಮಾರ್ಕೆಟ್ಸ್‌ನ ನಿರ್ದೇಶಕಿ ಅನಿತಾ ಗಾಂಧಿ ಅವರು ವಿಶ್ವಾಸ ವ್ಯಕ್ತಪಡಿಸಿದ್ದಾರೆ.

ವಿರಾಟ್ ಕೊಹ್ಲಿ ನಾಯಕತ್ವದ ಭಾರತ ಕ್ರಿಕೆಟ್‌ ತಂಡ ಕಪ್ ಗೆಲ್ಲುತ್ತಾ? ಐಸಿಸಿ ವಿಶ್ವಕಪ್ 2019 ಯಾರು ಗೆಲ್ಲುತ್ತಾರೆ? ಕೋಟ್ಯಂತರ ಕ್ರಿಕೆಟ್ ಪ್ರೇಮಿಗಳ ನಿರೀಕ್ಷೆಗೆ ಉತ್ತರ ಸಿಗುವ ಕಾಲ ಬಂದಿದೆ. ವಿಶ್ವಕಪ್ ಕ್ರಿಕೆಟ್‌ನ ಸ್ಕೋರ್ ಅಪ್‌ಡೇಟ್ಸ್‌, ಮ್ಯಾಚ್‌ಗಳ ವರದಿ, ವಿಶ್ವಕಪ್ ಕ್ರಿಕೆಟ್ ಹೆಜ್ಜೆ ಗುರುತು, ಆಟಗಾರರ ಸಂದರ್ಶನ, ವೇಳಾಪಟ್ಟಿ ತಿಳಿದುಕೊಳ್ಳಲು www.prajavani.net ಜಾಲತಾಣಕ್ಕೆ ಭೇಟಿ ನೀಡಿ. ಕ್ರೀಡಾಪ್ರೇಮಿಗಳ ನೆಚ್ಚಿನ ಆಯ್ಕೆ ‘ಪ್ರಜಾವಾಣಿ’. ಇದು ಅತ್ಯಂತ ವಿಶ್ವಾಸಾರ್ಹ ಸುದ್ದಿ ಮಾಧ್ಯಮ.

ಬರಹ ಇಷ್ಟವಾಯಿತೆ?

  • 0

    Happy
  • 0

    Amused
  • 0

    Sad
  • 0

    Frustrated
  • 0

    Angry