ಲಂಡನ್‌: ಮ್ಯಾನ್ಮಾರ್‌ ನಾಯಕಿ ಅಂಗ್‌ ಸಾನ್‌ ಸೂಕಿ ಅವರಿಗೆ ನೀಡಿದ್ದ ‘ಫ್ರೀಡಂ ಆಫ್‌ ಆಕ್ಸ್‌ಫರ್ಡ್‌’ ಗೌರವವನ್ನು ಆಕ್ಸಫರ್ಡ್‌ ನಗರ ಆಡಳಿತ ಮಂಡಳಿ ವಾಪಸ್ ಪಡೆದುಕೊಂಡಿದೆ.
ಪ್ರಜಾಪ್ರಭುತ್ವಕ್ಕಾಗಿ ದೀರ್ಘಕಾಲ ಹೋರಾಟ ಮಾಡಿದ ಕಾರಣಕ್ಕೆ ಸೂಕಿ ಅವರಿಗೆ 1997ರಲ್ಲಿ ಈ ಗೌರವ ನೀಡಲಾಗಿತ್ತು.
ರೋಹಿಂಗ್ಯಾ ಮುಸ್ಲಿಮರ ಕುರಿತು ಅವರ ಹೇಳಿಕೆಗೆ ತೀವ್ರ ಅಸಮಾಧಾನ ವ್ಯಕ್ತಪಡಿಸಿರುವ ಆಕ್ಸ್‌ಫರ್ಡ್‌ ನಗರ ಆಡಳಿತ ಮಂಡಳಿ, ಸೂಕಿ ಅವರಿಗೆ ಈ ಗೌರವವನ್ನು ಮುಂದುವರಿಸುವುದು ಸೂಕ್ತವಲ್ಲ ಎಂಬ ನಿರ್ಣಯ ಕೈಗೊಂಡಿದೆ.
ಸೂಕಿ ಅವರು ಸಿಟಿ ಆಫ್‌ ಆಕ್ಸ್‌ಫರ್ಡ್‌ ನಗರದ ಜತೆ ಅತಿ ಹೆಚ್ಚು ಸಂಪರ್ಕ ಹೊಂದಿದ್ದರು. ಇಲ್ಲಿನ ಪಾರ್ಕ್‌ ಟೌನ್‌ನಲ್ಲಿ ಕುಟುಂಬದೊಂದಿಗೆ ವಾಸವಿದ್ದ ಅವರು 1964ರಿಂದ 67ರ ವರೆಗೆ ಸೆಂಟ್ ಹ್ಯೂಜ್‌ ಕಾಲೇಜಿನಲ್ಲಿ ವ್ಯಾಸಂಗ ಮಾಡಿದ್ದರು.
