ಕೈಬೀಸಿ ಕರೆಯುತ್ತಿದೆ ಪಾರ್ವತಿಕೊಳ್ಳ

ಬುಧವಾರ, ಜೂನ್ 19, 2019
27 °C

ಕೈಬೀಸಿ ಕರೆಯುತ್ತಿದೆ ಪಾರ್ವತಿಕೊಳ್ಳ

Published:
Updated:
ಕೈಬೀಸಿ ಕರೆಯುತ್ತಿದೆ ಪಾರ್ವತಿಕೊಳ್ಳ

ರೋಣ: ತಾಲ್ಲೂಕಿನ ಸರ್ಜಾಪುರ ಗ್ರಾಮದ ಆನಂದಗಿರಿ ಒಂದು ತಿಂಗಳಿನಿಂದ ಸುರಿಯುತ್ತಿರುವ ಮಳೆಯಿಂದ ಹಸಿರು ಮೈದುಂಬಿಕೊಂಡು ಕಂಗೊಳಿಸುತ್ತಿದೆ. ಇದರಿಂದ ಬೆಟ್ಟದತ್ತ ಮುಖ ಮಾಡಿರುವ ಪ್ರವಾಸಿಗರ ಸಂಖ್ಯೆಯೂ ಹೆಚ್ಚಿದೆ.

ಹಸಿರ ಸಿರಿ: ಬರದ ನಾಡು ಎಂದೇ ಹೆಸರಾಗಿರುವ ರೋಣ ತಾಲ್ಲೂಕಿನಲ್ಲಿ ನಾಲ್ಕು ವರ್ಷಗಳಿಂದ ಬರಗಾಲ ಪರಿಸ್ಥಿತಿ ಇತ್ತು. ಈಗ ಸುರಿಯುತ್ತಿರುವ ಮಳೆ ಬರದ ಬವಣೆಯನ್ನು ತಾತ್ಕಾಲಿಕವಾಗಿ ನೀಗಿದ್ದು, ಹಸಿರು ಕಾಣುವಂತಾಗಿದೆ.

ಔಷಧೀಯ ಸಸಿಗಳ ಆಗರ: ಆನಂದಗಿರಿ ಔಷಧೀಯ ಸಸಿಗಳಿಗೆ ಹೆಸರಾಗಿದೆ. ಬೆಟ್ಟದಲ್ಲಿರುವ ಪಾರ್ವತಿಕೊಳ್ಳದ ಜಲಪಾತದಲ್ಲಿ ಸ್ನಾನ ಮಾಡಿದರೆ ಎಲ್ಲ ಬಗೆಯ ಚರ್ಮರೋಗಗಳು ವಾಸಿಯಾಗುತ್ತವೆ ಎಂಬುದು ಇಲ್ಲಿನ ಜನರ ನಂಬಿಕೆಯಾಗಿದೆ. ಬೆಟ್ಟದಲ್ಲಿ ಕಣ್ಮಣ ಸೆಳೆಯುವ ಹೂವಿನ ಗಿಡ, ಬಳ್ಳಿಗಳು ಇವೆ. ಬಣ್ಣದ ಚಿಟ್ಟೆಗಳು, ಗಿಡ–ಮರಗಳಲ್ಲಿ ಗೂಡು ಕಟ್ಟಿಕೊಂಡು ವಾಸಿಸುತ್ತಿರುವ ಬಾನಾಡಿಗಳು ಬೆಟ್ಟದ ಜೀವಂತಿಕೆಯನ್ನು ಹೆಚ್ಚಿಸಿವೆ.

ಆಕರ್ಷಕ ಪಾರ್ವತಿಕೊಳ್ಳ ಜಲಪಾತ: ಉತ್ತಮ ಮಳೆಯಿಂದಾಗಿ ಬೆಟ್ಟದಲ್ಲಿ ಹರಿಯುತ್ತಿದ್ದ ಪಾರ್ವತಿ ಕೊಳ್ಳದಲ್ಲಿ ಜಲಪಾತ ಸೃಷ್ಟಿಯಾಗಿದೆ. ದೊಡ್ಡ ಬಂಡೆಗಳ ನಡುವೆ ನುಸುಳಿಕೊಂಡು ಧುಮ್ಮಿಕ್ಕಿ ಹರಿಯುವ ಜಲಪಾತ ಮಾಯಾಲೋಕವನ್ನು ಸೃಷ್ಟಿಸಿದೆ.

ಬೆಟ್ಟ ತಲುಪುವುದು ಹೇಗೆ?: ಪಾರ್ವತಿಕೊಳ್ಳ ರೋಣ ತಾಲ್ಲೂಕಿನ ಸರ್ಜಾಪೂರ ಗ್ರಾಮದಿಂದ 2 ಕಿ.ಮೀ ದೂರದಲ್ಲಿದೆ. ಆನಂದಗಿರಿವರೆಗೂ ವಾಹನ ಕೊಂಡೊಯ್ಯಬಹುದು. ಪಾರ್ವತಿಕೊಳ್ಳ ಜಲಪಾತ ನೋಡಲು 1 ಕಿ.ಮೀ ಚಾರಣ ಮಾಡಬೇಕಾಗುತ್ತದೆ.

ಪಾರ್ವತಿಕೊಳ್ಳ ರೋಣದಿಂದ 23 ಕಿ.ಮೀ ದೂರವಿದ್ದು ಹಿರೇಹಾಳ ಶಾಂತಗೇರಿ ಮಾರ್ಗವಾಗಿ ಸರ್ಜಾಪುರಕ್ಕೆ ತಲುಪಬಹುದಾಗಿದೆ. ಗಜೇಂದ್ರಗಡದಿಂದ ಬೆಟ್ಟ 26 ಕಿ.ಮೀ ದೂರದಲ್ಲಿದ್ದು ಬೇವಿನಕಟ್ಟಿ ಕ್ರಾಸ್– ಮುಶಿಗೇರಿ– ರಾಜೂರು ಮಾರ್ಗವಾಗಿ ಪಾರ್ವತಿಕೊಳ್ಳ ತಲುಪಬಹುದಾಗಿದೆ.

 

ವಿರಾಟ್ ಕೊಹ್ಲಿ ನಾಯಕತ್ವದ ಭಾರತ ಕ್ರಿಕೆಟ್‌ ತಂಡ ಕಪ್ ಗೆಲ್ಲುತ್ತಾ? ಐಸಿಸಿ ವಿಶ್ವಕಪ್ 2019 ಯಾರು ಗೆಲ್ಲುತ್ತಾರೆ? ಕೋಟ್ಯಂತರ ಕ್ರಿಕೆಟ್ ಪ್ರೇಮಿಗಳ ನಿರೀಕ್ಷೆಗೆ ಉತ್ತರ ಸಿಗುವ ಕಾಲ ಬಂದಿದೆ. ವಿಶ್ವಕಪ್ ಕ್ರಿಕೆಟ್‌ನ ಸ್ಕೋರ್ ಅಪ್‌ಡೇಟ್ಸ್‌, ಮ್ಯಾಚ್‌ಗಳ ವರದಿ, ವಿಶ್ವಕಪ್ ಕ್ರಿಕೆಟ್ ಹೆಜ್ಜೆ ಗುರುತು, ಆಟಗಾರರ ಸಂದರ್ಶನ, ವೇಳಾಪಟ್ಟಿ ತಿಳಿದುಕೊಳ್ಳಲು www.prajavani.net ಜಾಲತಾಣಕ್ಕೆ ಭೇಟಿ ನೀಡಿ. ಕ್ರೀಡಾಪ್ರೇಮಿಗಳ ನೆಚ್ಚಿನ ಆಯ್ಕೆ ‘ಪ್ರಜಾವಾಣಿ’. ಇದು ಅತ್ಯಂತ ವಿಶ್ವಾಸಾರ್ಹ ಸುದ್ದಿ ಮಾಧ್ಯಮ.

ಬರಹ ಇಷ್ಟವಾಯಿತೆ?

  • 0

    Happy
  • 0

    Amused
  • 0

    Sad
  • 0

    Frustrated
  • 0

    Angry