ಪುಣೆ : ಎರಡು ದಿನಗಳ ಹಿಂದೆಯಷ್ಟೇ ಯು.ಪಿ.ಯೋಧಾವನ್ನು ಮಣಿಸಿದ ಬೆಂಗಳೂರು ಬುಲ್ಸ್ ಮಂಗಳವಾರ ನಡೆಯುವ ಪ್ರೊ ಕಬಡ್ಡಿ ಲೀಗ್ನಲ್ಲಿ ಮತ್ತೊಮ್ಮೆ ಇದೇ ತಂಡವನ್ನು ಎದುರಿಸಲಿದೆ.
20 ಪಂದ್ಯಗಳಿಂದ ಏಳು ಜಯದೊಂದಿಗೆ 49 ಪಾಯಿಂಟ್ ಗಳಿಸಿರುವ ಬುಲ್ಸ್ ಈಗಾಗಲೇ ಟೂರ್ನಿಯಿಂದ ಹೊರಬಿದ್ದಿದೆ. ಯು.ಪಿ.ಯೋಧಾ ಭಾನುವಾರದ ಪಂದ್ಯದಲ್ಲಿ ಬುಲ್ಸ್ ಎದುರು ಸೋತಿದ್ದರೂ ಪ್ಲೇ ಆಫ್ ಹಂತಕ್ಕೆ ಪ್ರವೇಶ ಪಡೆದಿದೆ. ಆದ್ದರಿಂದ ಮಂಗಳವಾರದ ಪಂದ್ಯದ ಫಲಿತಾಂಶ ಉಭಯ ತಂಡಗಳಿಗೂ ಮಹತ್ವದ್ದಲ್ಲ.
ಮತ್ತೊಂದು ಪಂದ್ಯದಲ್ಲಿ ಪುಣೇರಿ ಪಲ್ಟನ್ ತಂಡ ಹರಿಯಾಣ ಸ್ಟೀಲರ್ಸ್ ವಿರುದ್ಧ ಸೆಣಸಲಿದೆ.
19 ಪಂದ್ಯಗಳಿಂದ 14 ಜಯದೊಂದಿಗೆ 73 ಪಾಯಿಂಟ್ ಕಲೆ ಹಾಕಿರುವ ಪಲ್ಟನ್ 21 ಪಂದ್ಯಗಳಿಂದ 12 ಜಯದ ಮೂಲಕ 74 ಪಾಯಿಂಟ್ ಗಳಿಸಿರುವ ಸ್ಟೀಲರ್ಸ್ ವಿರುದ್ಧ ಜಯದ ಭರವಸೆಯಲ್ಲಿದೆ.