ಹಾರುವ ಕನಸಿಗೆ ವಿದ್ಯುತ್‌ಚಾಲಿತ ವಿಮಾನ...

ಮಂಗಳವಾರ, ಜೂನ್ 18, 2019
31 °C

ಹಾರುವ ಕನಸಿಗೆ ವಿದ್ಯುತ್‌ಚಾಲಿತ ವಿಮಾನ...

Published:
Updated:
ಹಾರುವ ಕನಸಿಗೆ ವಿದ್ಯುತ್‌ಚಾಲಿತ ವಿಮಾನ...

ಹೈಬ್ರಿಡ್‌ ಮತ್ತು ವಿದ್ಯುತ್‌ ಚಾಲಿತ (ಎಲೆಕ್ಟ್ರಿಕ್‌) ವಾಹನ ಬಳಕೆ ಮೂಲಕ ತೈಲ ಆಮದು ತಗ್ಗಿಸುವ ಹೊಸ ಯೋಜನೆಗೆ ಕೇಂದ್ರ ಸರ್ಕಾರ ಮುಂದಾಗಿದೆ. ಎಲೆಕ್ಟ್ರಿಕ್‌ ಬಸ್‌, ಕಾರುಗಳಂತೂ ಈಗ ಚಾಲನೆಯಲ್ಲಿವೆ. ಈಗ ಈ ಸಾಲಿಗೆ ಎಲೆಕ್ಟ್ರಿಕ್‌ ವಿಮಾನಗಳೂ ಸೇರಲಿವೆ. ಇಂತಹ ವಿಮಾನಗಳನ್ನು ತಯಾರಿಸಲು ಅಮೆರಿಕದ ಸೀಯಾಟಲ್‌ನ ‘ಜುನುಂ ಏರೊ’ ಎಂಬ ಸ್ಟಾರ್ಟ್ಅಫ್‌ ಮುಂದೆ ಬಂದಿದೆ. ಇದಕ್ಕೆ ವಾಯುಯಾನ ಕ್ಷೇತ್ರದಲ್ಲೇ ಹೆಸರು ಮಾಡಿರುವ ಬೋಯಿಂಗ್‌ ಕಂಪೆನಿ ಹಾಗೂ ಜೆಟ್‌ಬ್ಲೂ ಏರ್‌ವೇಸ್‌ ಕಾರ್ಪ್‌ ನೆರವಾಗಲಿವೆ.

ಬೆವೆರ್ಲೆ, ಮೆಸಾಚುಸೆಟ್ಸ್‌ ನಿಂದ ಕಾಲೇಜ್‌ಪಾರ್ಕ್‌, ಮೇರಿಲ್ಯಾಂಡ್‌ ವಿಮಾನ ನಿಲ್ದಾಣಗಳಿಗೆ ಈ ವಿಮಾನಗಳು ಕಡಿಮೆ ದರದಲ್ಲಿ ಹಾರಾಟ ನಡೆಸಲಿವೆ ಎಂದು ಜುನುಂ ಏರೊ ತಿಳಿಸಿದೆ. ‘ವಾಯುಯಾನ ಕ್ಷೇತ್ರದಲ್ಲಿ ಹೊಸ ಅಧ್ಯಾಯ ಆರಂಭಿಸಲು ಮುಂದಾಗಿರುವ ಜುನುಂ ಏರೊ ಪ್ರಯತ್ನಕ್ಕೆ ನಾವು ಬೆಂಬಲ ನೀಡುತ್ತೇವೆ. ಪ್ರಾದೇಶಿಕ ಸಾರಿಗೆ ಉದ್ಯಮ ಈಗ ಪಕ್ವವಾಗಿದೆ ಎಂದೆನಿಸುತ್ತದೆ’ ಎಂದು ಬೋಯಿಂಗ್‌ ಪ್ರತಿಕ್ರಿಯಿಸಿದೆ.

ವಿದ್ಯುತ್‌ಚಾಲಿತ (ಎಲೆಕ್ಟ್ರಿಕ್‌) ವಿಮಾನಗಳ ತಯಾರಿಗೆ ಈಗಾಗಲೇ ಜುನುಂ ಏರೊ ಕಂಪೆನಿಯು ಬೋಯಿಂಗ್‌ ಮತ್ತು ರೋಲ್ಸ್‌ ರಾಯ್ಸ್ ಕಂಪೆನಿಗಳಲ್ಲಿ ಕೆಲಸ ಮಾಡಿದ ತಂತ್ರಜ್ಞರನ್ನು ನೇಮಿಸಿಕೊಳ್ಳಲಿದೆ.

ಸದ್ಯಕ್ಕೆ ಕೇವಲ 12 ಪ್ರಯಾಣಿಕರನ್ನು ಸಾಗಿಸುವ ಸಾಮರ್ಥ್ಯ ಇರುವ ವಿಮಾನಗಳನ್ನು ಅಭಿವೃದ್ಧಿಪಡಿಸುತ್ತಿರುವ ಜುನುಂ, ಮುಂದಿನ ಕೆಲವು ವರ್ಷಗಳಲ್ಲಿ 50 ಪ್ರಯಾಣಿಕರು ಪ್ರಯಾಣಿಸಬಹುದಾದ ಎಲೆಕ್ಟ್ರಿಕ್‌ ವಿಮಾನವನ್ನು ಹಾರಾಟಕ್ಕೆ ಬಿಡಲಿದೆ. ಇದು ಸಾವಿರ ಮೈಲುಗಳವರೆಗೆ ಹಾರಾಟ ನಡೆಸಲಿದೆ. ಇದಕ್ಕಾಗಿ ಬ್ಯಾಟರಿ ತಂತ್ರಜ್ಞಾನವನ್ನು ಅಭಿವೃದ್ಧಿಸಲಾಗುತ್ತದೆ.

ಜುನುಂ ಮೊದಲ ಬಾರಿ ಹೈಬ್ರಿಡ್ ಎಲೆಕ್ಟ್ರಿಕ್‌ ವಿಮಾನ ಪರಿಕಲ್ಪನೆ ಬಗ್ಗೆ ಏಪ್ರಿಲ್‌ನಲ್ಲಿ ಘೋಷಣೆ ಮಾಡಿತ್ತು. ಇದರಲ್ಲಿ ಬೋಯಿಂಗ್ ಹಾರಿಜಾನ್‌ ಎಕ್ಸ್‌ ಮತ್ತ ಜೆಟ್‌ಬ್ಲೂ ಟೆಕ್ನಾಲಜಿ ಕಂಪೆನಿಗಳು ಹೂಡಿಕೆ ಮಾಡಲಿದ್ದವು.

ವಿಶ್ವ ಸೋಲಾರ್‌ ಸವಾಲು

ವಿದ್ಯುತ್‌ ಚಾಲಿತ ವಾಹನಗಳ ಸಂಶೋಧನೆಗಳಿಗಿಂತ ಮೊದಲೇ ಸೋಲಾರ್‌ ವಾಹನಗಳ ಕುರಿತ ಅನ್ವೇಷಣೆಗಳು ವಿಶ್ವದಾದ್ಯಂತ ನಡೆಯುತ್ತಲೇ ಇವೆ. ಸೋಲಾರ್ ಕಾರುಗಳಂತೂ ಭಾರಿ ಬೇಡಿಕೆ ಸೃಷ್ಟಿಸಿವೆ. ಇದು ನವೀಕರಿಸಬಹುದಾದ ಇಂಧನ ಮೂಲವಾಗಿರುವ ಕಾರಣ ಹೆಚ್ಚು ಗಮನ ಸೆಳೆಯುತ್ತಿದೆ. ಸೋಲಾರ್‌ ಇಂಧನದ ಬಗ್ಗೆ ‘ಸೋಲಾರ್ ಇಂಪಲ್ಸ್ ವಿಮಾನ’ವು ಈಗಾಗಲೇ ವಿಶ್ವ ಪರ್ಯಟನೆ ಮಾಡಿದೆ.

ಆಸ್ಟ್ರೇಲಿಯಾದಲ್ಲಿ ಇತ್ತೀಚೆಗೆ ‘ವಿಶ್ವ ಸೋಲಾರ್‌ ಸವಾಲು 2017 ’(World Solar Challenge) ಎಂಬ ಸ್ಪರ್ಧೆಯೊಂದು ನಡೆಯಿತು. ಇದರಲ್ಲಿ ಸಾಕಷ್ಟು ದೇಶಗಳ ಕಾರುಗಳು ಭಾಗವಹಿಸಿದ್ದವು.ಮೂರು ಸಾವಿರ ಕಿ.ಮೀ ದೂರ ನಡೆದ ಸ್ಪರ್ಧೆಯಲ್ಲಿ ನೆದರ್‌ಲೆಂಡ್‌ನ ‘ರೆಡ್‌ ಶಿಫ್ಟ್‌’ ಹೆಸರಿನ ಕಾರು  ಗಮನಸೆಳೆಯಿತು.

ಸೂರ್ಯನ ಬೆಳಕನ್ನು ಹೀರಿಕೊಳ್ಳಲು ಈ ಕಾರಿನಲ್ಲಿದ್ದ ಸೋಲಾರ್‌ ಪ್ಯಾನೆಲ್‌ಗಳು ಎಲ್ಲರನ್ನೂ ಸೆಳೆದವು. ಭವಿಷ್ಯದಲ್ಲಿ ಸೋಲಾರ್ ಕಾರುಗಳು ಬಗ್ಗೆ ಬಳಕೆದಾರರಲ್ಲಿ ಆತ್ಮವಿಶ್ವಾಸ ಮೂಡಿಸಲು ಈ ಸವಾಲು ಹಮ್ಮಿಕೊಳ್ಳಲಾಗಿತ್ತು. ಸಾಕಷ್ಟು ಉತ್ಸಾಹಿ ಯುವಕರು ತಮ್ಮ ಸೋಲಾರ್‌ ಕಾರುಗಳನ್ನು ಇಲ್ಲಿ ಪ್ರದರ್ಶಿಸಿದರು.

ವಿರಾಟ್ ಕೊಹ್ಲಿ ನಾಯಕತ್ವದ ಭಾರತ ಕ್ರಿಕೆಟ್‌ ತಂಡ ಕಪ್ ಗೆಲ್ಲುತ್ತಾ? ಐಸಿಸಿ ವಿಶ್ವಕಪ್ 2019 ಯಾರು ಗೆಲ್ಲುತ್ತಾರೆ? ಕೋಟ್ಯಂತರ ಕ್ರಿಕೆಟ್ ಪ್ರೇಮಿಗಳ ನಿರೀಕ್ಷೆಗೆ ಉತ್ತರ ಸಿಗುವ ಕಾಲ ಬಂದಿದೆ. ವಿಶ್ವಕಪ್ ಕ್ರಿಕೆಟ್‌ನ ಸ್ಕೋರ್ ಅಪ್‌ಡೇಟ್ಸ್‌, ಮ್ಯಾಚ್‌ಗಳ ವರದಿ, ವಿಶ್ವಕಪ್ ಕ್ರಿಕೆಟ್ ಹೆಜ್ಜೆ ಗುರುತು, ಆಟಗಾರರ ಸಂದರ್ಶನ, ವೇಳಾಪಟ್ಟಿ ತಿಳಿದುಕೊಳ್ಳಲು www.prajavani.net ಜಾಲತಾಣಕ್ಕೆ ಭೇಟಿ ನೀಡಿ. ಕ್ರೀಡಾಪ್ರೇಮಿಗಳ ನೆಚ್ಚಿನ ಆಯ್ಕೆ ‘ಪ್ರಜಾವಾಣಿ’. ಇದು ಅತ್ಯಂತ ವಿಶ್ವಾಸಾರ್ಹ ಸುದ್ದಿ ಮಾಧ್ಯಮ.

ಬರಹ ಇಷ್ಟವಾಯಿತೆ?

  • 0

    Happy
  • 0

    Amused
  • 0

    Sad
  • 0

    Frustrated
  • 0

    Angry