ಲಾಸ್ ಏಂಜಲಿಸ್: ಜಗತ್ತಿನ ಪ್ರಖ್ಯಾತ ಮಾಸಪತ್ರಿಕೆ ‘ಪ್ಲೇಬಾಯ್’ನ 64 ವರ್ಷಗಳ ಇತಿಹಾಸದಲ್ಲಿ ಇದೇ ಮೊದಲ ಬಾರಿಗೆ ಲಿಂಗ ಪರಿವರ್ತಿತೆಯೊಬ್ಬಳು ಮುಖಪುಟದ ಮಹಿಳಾ ರೂಪದರ್ಶಿಯಾಗಿ ಆಯ್ಕೆಯಾಗಿದ್ದಾರೆ.
ಹೀಗೆ ಆಯ್ಕೆಯಾದವರು ಪ್ರೆಂಚ್ ರೂಪದರ್ಶಿ ಐನೆಸ್ ರೋ. ಈ ಹಿಂದೆ ಇದೆ ಮಾಸಪತ್ರಿಕೆಯ 2014 ಮೇ ತಿಂಗಳಲ್ಲಿ ಪ್ರಕಟಗೊಂಡ ಅವತರಣಿಕೆಯಲ್ಲಿ ಬೆತ್ತಲಾಗಿ ಕಾಣಿಸಿಕೊಳ್ಳುವ ಮೂಲಕ ರೋ ಸುದ್ದಿಯಾಗಿದ್ದರು.
ಮುಂಬರುವ ನವೆಂಬರ್, ಡಿಸೆಂಬರ್ನಲ್ಲಿ ಪ್ರಕಟವಾಗಲಿರುವ ಮಾಸಪತ್ರಿಕೆಯ ಮುಖಪುಟದಲ್ಲಿ ರೋ ಕಾಣಿಸಿಕೊಳ್ಳಲಿದ್ದಾರೆ. ಈ ಆಯ್ಕೆಯನ್ನು ಪ್ಲೇಬಾಯ್ ಮಾಸಪತ್ರಿಕೆಯ ಸಂಸ್ಥಾಪಕರಾದ ಹ್ಯೂಗ್ ಹೆಫ್ನರ್ ಖುದ್ದಾಗಿ ತಾವು ಸಾಯುವ ಮುಂಚೆಯೇ ನಿರ್ಧರಿಸಿದ್ದರುಎಂದು ಹೇಳಲಾಗಿದೆ.
ಈ ಕುರಿತು ಮಾತನಾಡಿರುವ 26 ವರ್ಷದ ರೋ ‘ನನ್ನ ಆರಂಭಿಕ ದಿನಗಳಲ್ಲಿ ಸಮಾಜ ಲಿಂಗಪರಿವರ್ತನೆಗೊಂಡಿರುವುದನ್ನು ಸುಲಭವಾಗಿ ಒಪ್ಪಕೊಂಡಿರಲಿಲ್ಲ. ಆದರೆ ‘ಪ್ಲೇಬಾಯ್’ ಮುಖಪುಟದಲ್ಲಿ ಕಾಣಿಸಿಕೊಳ್ಳುತ್ತಿರುವುದು ನನಗೆ ಸಂತಸದ ವಿಷಯ’ ಎಂದಿದ್ದಾರೆ.