<p><strong>ನೋಯಿಡಾ: </strong>ಹದಿನೈದು ವರ್ಷದ ಬಾಲಕನೊಬ್ಬ ತನ್ನ ತಾಯಿ ಹಾಗೂ ಸಹೋದರಿಯನ್ನು ಹತ್ಯೆ ಮಾಡಿರುವ ಘಟನೆ ನಡೆದಿದ್ದು, ಈ ಸಂಬಂಧ ಬಾಲಕನನ್ನು ಪೊಲೀಸರು ಬಂಧಿಸಿದ್ದಾರೆ.</p>.<p>ತಾಯಿ ಅಂಜಲಿ ಅಗರ್ವಾಲ್(42) ಹಾಗೂ ಸಹೋದರಿ ಕನಿಕಾ(12) ಇಬ್ಬರನ್ನೂ ಸೋಮವಾರ(ಡಿ.4) ರಾತ್ರಿ ಅಪಾರ್ಟ್ಮೆಂಟ್ನಲ್ಲಿ ಹೊಡೆದು ಹತ್ಯೆ ಮಾಡಿದ ಬಳಿಕ ಬಾಲಕ ಪರಾರಿಯಾಗಿದ್ದ.</p>.<p>ಘಟನೆ ಕುರಿತು ಪ್ರಕರಣ ದಾಖಲಿಸಿಕೊಂಡ ಬಿಸ್ರಾಕ್ ಠಾಣಾ ಪೊಲೀಸರು, ವಾರಣಾಸಿಯಲ್ಲಿ ಆರೋಪಿಯನ್ನು ಬಂಧಿಸಿದ್ದಾರೆ. ಹತ್ಯೆ ಮಾಡಿರುವ ಬಗ್ಗೆ ಆರೋಪಿ ತಪ್ಪೊಪ್ಪಿಕೊಂಡಿದ್ದಾನೆ ಎಂದು ಶನಿವಾರ ತಿಳಿಸಿದ್ದಾರೆ.</p>.<p>ಮೃತದೇಹಗಳ ಮರಣೋತ್ತರ ಪರೀಕ್ಷೆ ನಡೆಸಲಾಗಿದ್ದು, ಅಂಜಲಿ ಅವರ ಮೃತದೇಹದ ಮೇಲೆ ಹೊಡೆದಿರುವ ಏಳು ಗುರುತುಗಳು ಪತ್ತೆಯಾಗಿವೆ. ಜತೆಗೆ, ಕನಿಕಾ ತಲೆಯ ಮೇಲೆ ಐದು ಗುರುತುಗಳು ಪತ್ತೆಯಾಗಿರುವುದು ವೈದ್ಯಕೀಯ ವರದಿಯಲ್ಲಿ ತಿಳಿದುಬಂದಿದೆ.</p>.<p>ಈ ಇಬ್ಬರು ಸೋಮವಾರ ರಾತ್ರಿ 8ರಿಂದ 11ರ ಸುಮಾರಿಗೆ ಮೃತಪಟ್ಟಿರಬಹುದು ಎಂದು ಅಂದಾಜಿಸಲಾಗಿದೆ.</p>.<p>ಪ್ರಕರಣ ಸಂಬಂಧ ಪೊಲೀಸರು ತನಿಖೆ ನಡೆಸಿದ್ದು, ಹತ್ಯೆ ಮಾಡಿರುವ ಬಾಲಕ ಮೊಬೈಲ್ನಲ್ಲಿ ಅಪರಾಧ –ದರೋಡೆಗೆ ಸಂಬಂಧಿಸಿದ ಗೇಮ್ಗಳನ್ನು ಆಡುತ್ತಿದ್ದುದು ತಿಳಿದು ಬಂದಿದೆ. ಜತೆಗೆ, ಓದಿನಲ್ಲಿ ಬಾಲಕ ಹಿಂದುಳಿದಿದ್ದು, ಘಟನೆ ನಡೆದ ದಿನ ಅವರ ತಾಯಿ ಆತನನ್ನು ದೂಷಿಸಿದ್ದರು ಎನ್ನಲಾಗಿದೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ನೋಯಿಡಾ: </strong>ಹದಿನೈದು ವರ್ಷದ ಬಾಲಕನೊಬ್ಬ ತನ್ನ ತಾಯಿ ಹಾಗೂ ಸಹೋದರಿಯನ್ನು ಹತ್ಯೆ ಮಾಡಿರುವ ಘಟನೆ ನಡೆದಿದ್ದು, ಈ ಸಂಬಂಧ ಬಾಲಕನನ್ನು ಪೊಲೀಸರು ಬಂಧಿಸಿದ್ದಾರೆ.</p>.<p>ತಾಯಿ ಅಂಜಲಿ ಅಗರ್ವಾಲ್(42) ಹಾಗೂ ಸಹೋದರಿ ಕನಿಕಾ(12) ಇಬ್ಬರನ್ನೂ ಸೋಮವಾರ(ಡಿ.4) ರಾತ್ರಿ ಅಪಾರ್ಟ್ಮೆಂಟ್ನಲ್ಲಿ ಹೊಡೆದು ಹತ್ಯೆ ಮಾಡಿದ ಬಳಿಕ ಬಾಲಕ ಪರಾರಿಯಾಗಿದ್ದ.</p>.<p>ಘಟನೆ ಕುರಿತು ಪ್ರಕರಣ ದಾಖಲಿಸಿಕೊಂಡ ಬಿಸ್ರಾಕ್ ಠಾಣಾ ಪೊಲೀಸರು, ವಾರಣಾಸಿಯಲ್ಲಿ ಆರೋಪಿಯನ್ನು ಬಂಧಿಸಿದ್ದಾರೆ. ಹತ್ಯೆ ಮಾಡಿರುವ ಬಗ್ಗೆ ಆರೋಪಿ ತಪ್ಪೊಪ್ಪಿಕೊಂಡಿದ್ದಾನೆ ಎಂದು ಶನಿವಾರ ತಿಳಿಸಿದ್ದಾರೆ.</p>.<p>ಮೃತದೇಹಗಳ ಮರಣೋತ್ತರ ಪರೀಕ್ಷೆ ನಡೆಸಲಾಗಿದ್ದು, ಅಂಜಲಿ ಅವರ ಮೃತದೇಹದ ಮೇಲೆ ಹೊಡೆದಿರುವ ಏಳು ಗುರುತುಗಳು ಪತ್ತೆಯಾಗಿವೆ. ಜತೆಗೆ, ಕನಿಕಾ ತಲೆಯ ಮೇಲೆ ಐದು ಗುರುತುಗಳು ಪತ್ತೆಯಾಗಿರುವುದು ವೈದ್ಯಕೀಯ ವರದಿಯಲ್ಲಿ ತಿಳಿದುಬಂದಿದೆ.</p>.<p>ಈ ಇಬ್ಬರು ಸೋಮವಾರ ರಾತ್ರಿ 8ರಿಂದ 11ರ ಸುಮಾರಿಗೆ ಮೃತಪಟ್ಟಿರಬಹುದು ಎಂದು ಅಂದಾಜಿಸಲಾಗಿದೆ.</p>.<p>ಪ್ರಕರಣ ಸಂಬಂಧ ಪೊಲೀಸರು ತನಿಖೆ ನಡೆಸಿದ್ದು, ಹತ್ಯೆ ಮಾಡಿರುವ ಬಾಲಕ ಮೊಬೈಲ್ನಲ್ಲಿ ಅಪರಾಧ –ದರೋಡೆಗೆ ಸಂಬಂಧಿಸಿದ ಗೇಮ್ಗಳನ್ನು ಆಡುತ್ತಿದ್ದುದು ತಿಳಿದು ಬಂದಿದೆ. ಜತೆಗೆ, ಓದಿನಲ್ಲಿ ಬಾಲಕ ಹಿಂದುಳಿದಿದ್ದು, ಘಟನೆ ನಡೆದ ದಿನ ಅವರ ತಾಯಿ ಆತನನ್ನು ದೂಷಿಸಿದ್ದರು ಎನ್ನಲಾಗಿದೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>