ನವದೆಹಲಿ: ಆರಂಭಿಕ ಸಾರ್ವಜನಿಕ ನೀಡಿಕೆ ಮೂಲಕ 24ಕ್ಕೂ ಹೆಚ್ಚು ಕಂಪನಿಗಳು ಮುಂದಿನ ದಿನಗಳಲ್ಲಿ ₹25,000 ಕೋಟಿ ಸಂಗ್ರಹಿಸುವ ಗುರಿ ಇಟ್ಟುಕೊಂಡಿವೆ.
ಈ ಷೇರುಗಳ ಮಾರಾಟದಿಂದ ಬರುವ ಹಣವನ್ನು ಕಂಪನಿಗಳ ವಿವಿಧ ಕಾರ್ಯಯೋಜನೆಗಳಿಗೆ ಮತ್ತು ಅಭಿವೃದ್ಧಿಗೆ ಬಳಸಲಿವೆ. ಹಲವು ಕಂಪನಿಗಳು ತಮ್ಮ ಮಾರುಕಟ್ಟೆ ವಿಸ್ತಾರ ಹಾಗೂ ಅಭಿವೃದ್ಧಿ ಉದ್ದೇಶಕ್ಕೆ ಆರಂಭಿಕ ಸಾರ್ವಜನಿಕ ನೀಡಿಕೆ ಮೂಲಕ ಷೇರುಪೇಟೆ ಪ್ರವೇಶಿಸುವ ಬಗ್ಗೆ ಸೆಬಿಗೆ ಮಾಹಿತಿ ನೀಡಿವೆ.
ಈ ಮಧ್ಯೆ ಕೆಲವು ಕಂಪನಿಗಳು, ಷೇರುಗಳ ಮೂಲಕ ಸಂಸ್ಥೆಯ ಬ್ರ್ಯಾಂಡ್ ಮೌಲ್ಯ ಹೆಚ್ಚಿಸಿಕೊಂಡು ಪ್ರಸ್ತುತ ಇರುವ ಷೇರುದಾರರಿಗೆ ನಗದು ಒದಗಿಸಲು ಕ್ರಮಕೈಗೊಳ್ಳಲಿವೆ ಎಂದೂ ತಿಳಿದು ಬಂದಿದೆ. ಸೆಬಿ ಅನುಮತಿ ದೊರೆತರೆ ಷೇರುಪೇಟೆಯ ಚಟುವಟಿಕೆಗಳು ಗರಿಗೆದರಲಿವೆ.