ತಾಯಿಯ ಅಂತಃಕರಣದ ನುಡಿಗೆ ಸ್ಪಂದಿಸಿ ಉಗ್ರವಾದ ತೊರೆದು ಮನೆಗೆ ಮರಳಿದ ಯುವಕ

ಹೆತ್ತ ಮಗನಿಗಾಗಿ ಕಣ್ಣೀರಿಟ್ಟ ತಾಯಿಯು ತನ್ನ ಮಗನಿಗೆ ಹಿಂಸೆಯ ಹಾದಿಯನ್ನು ತೊರೆದು ಮರಳಿ ಮನೆಗೆ ಬರುವಂತೆ ಮನವಿ ಮಾಡಿದ್ದರು. ತಾಯಿಯ ಅಂತಃಕರಣದ ಮಾತಿಗೆ ಸ್ಪಂದಿಸಿದ ಯುವಕ ಮನೆಗೆ ಬಂದಿದ್ದಾನೆ. ಇದನ್ನು ಕಂಡು ಸಂತೋಷವಾಗುತ್ತಿದೆ ಎಂದು ಡಿಜಿಪಿ ಎಸ್‌.ಪಿ. ವೈದ್ ಅವರು ಟ್ವೀಟ್ ಮಾಡಿದ್ದಾರೆ.

ಆದರೆ, ಮರಳಿದ ಯುವಕನ ವಯಸ್ಸು ಹಾಗೂ ಇನ್ನಿತರ ವಿವರಗಳನ್ನೂ ಎಲ್ಲೂ ಬಹಿರಂಗಗೊಳಿಸಿಲ್ಲ.

2017ರಲ್ಲಿ ನಾಲ್ವರು ಯುವಕರು ಕಾಶ್ಮೀರಿ ಉಗ್ರ ಪಡೆ ಹಾಗೂ ಅಲ್ಲಿನ ಹಿಂಸಾ ಮಾರ್ಗವನ್ನು ತೊರೆದು ತಮ್ಮ ಕುಟುಂಬಸ್ಥರು ಹಾಗೂ ಸಂಬಂಧಿಕರನ್ನು ಸೇರಿದ್ದರು.