7

ವಾಯುನೆಲೆಯಿಂದ ಹಾರಾಟ ಆರಂಭಿಸಿದ್ದ ಹಾಕ್‌ ವಿಮಾನ ಪತನ

Published:
Updated:
ವಾಯುನೆಲೆಯಿಂದ ಹಾರಾಟ ಆರಂಭಿಸಿದ್ದ ಹಾಕ್‌ ವಿಮಾನ ಪತನ

ನವದೆಹಲಿ: ಪಶ್ಚಿಮ ಬಂಗಾಳದ ಕಲೈಕುಂಡ ವಾಯುನೆಲೆಯಿಂದ ಹಾರಾಟ ಆರಂಭಿಸಿದ್ದ ವಾಯುಪಡೆಯ ತರಬೇತಿ ಹಾಕ್‌ ವಿಮಾನ ಮಂಗಳವಾರ ಪತನಗೊಂಡಿದೆ.

ವಿಮಾನ ಬೀಳುವುದಕ್ಕಿಂತ ಮೊದಲು ತರಬೇತಿ ಪೈಲಟ್‌ ಪಾರಾಗುವಲ್ಲಿ ಯಶಸ್ವಿಯಾಗಿದ್ದಾರೆ. ಸಣ್ಣಪುಟ್ಟ ಗಾಯಗಳಾಗಿರುವ ಅವರನ್ನು ಹೆಲಿಕಾಪ್ಟರ್‌ನಲ್ಲಿ ಅಲ್ಲಿಂದ ಕರೆತರಲಾಗಿದೆ. ದುರ್ಘಟನೆ ಬಗ್ಗೆ ತನಿಖೆಗೆ ಆದೇಶಿಸಲಾಗಿದೆ.

ಸುವರ್ಣ ರೇಖಾ ನದಿಯ ದಂಡೆ ಮೇಲೆ ಪತನಗೊಂಡ ವಿಮಾನದಿಂದ ಬೆಂಕಿ ಕಾಣಿಸಿಕೊಂಡಿತ್ತು. ಇದರ ಭಾಗಗಳು ಚದುರಿ ಬಿದ್ದಿದವು ಎಂದು ಪ್ರತ್ಯಕ್ಷದರ್ಶಿಗಳು ತಿಳಿಸಿದ್ದಾರೆ.

ಪತನಗೊಂಡ ಸ್ಥಳ ಜಾರ್ಖಂಡ್‌ ಗಡಿಭಾಗದಲ್ಲಿದೆ ಎಂದು ಪೊಲೀಸ್ ಅಧಿಕಾರಿಯೊಬ್ಬರು ತಿಳಿಸಿದ್ದಾರೆ. ಸ್ಥಳಕ್ಕೆ ಅಗ್ನಿಶಾಮಕ ವಾಹನ ಮತ್ತು ಪೊಲೀಸರು ಕೂಡಲೇ ದೌಡಾಯಿಸಿದರು ಎಂದೂ ಅವರು ಹೇಳಿದರು.

ಬರಹ ಇಷ್ಟವಾಯಿತೆ?

  • 0

    Happy
  • 0

    Amused
  • 0

    Sad
  • 0

    Frustrated
  • 0

    Angry