7

ಎಂಜಿನ್ ಇಲ್ಲದೆ 10 ಕಿ.ಮೀ ದೂರ ಚಲಿಸಿದ ಅಹ್ಮದಾಬಾದ್-ಪುರಿ ಎಕ್ಸ್‌ಪ್ರೆಸ್‌ ರೈಲು

Published:
Updated:
ಎಂಜಿನ್ ಇಲ್ಲದೆ 10 ಕಿ.ಮೀ ದೂರ ಚಲಿಸಿದ ಅಹ್ಮದಾಬಾದ್-ಪುರಿ ಎಕ್ಸ್‌ಪ್ರೆಸ್‌ ರೈಲು

ಭುವನೇಶ್ವರ: ರೈಲು ಹಳಿಯ ಮೇಲೆ ಎಂಜಿನ್‌ ಇಲ್ಲದೆ ಅಹ್ಮದಾಬಾದ್-ಪುರಿ ಎಕ್ಸ್‌ಪ್ರೆಸ್‌ ರೈಲು ಸುಮಾರು 10 ಕಿ.ಮೀ ದೂರ ಚಲಿಸಿದ್ದು, ಪ್ರಯಾಣಿಕರಲ್ಲಿ ಆತಂಕ ಮೂಡಿಸಿದ ಘಟನೆ ಶನಿವಾರ ರಾತ್ರಿ ನಡೆದಿದ್ದು, ಕರ್ತವ್ಯಲೋಪ ಎಸಗಿದ ಆರೋಪದಲ್ಲಿ ರೈಲ್ವೆ ಇಲಾಖೆಯ ಏಳು ಮಂದಿ ಸಿಬ್ಬಂದಿಯನ್ನು ಅಮಾನತು ಮಾಡಲಾಗಿದೆ.

ಒಡಿಶಾದ ಟಿಟ್ಲಾಗರ್ ನಿಲ್ದಾಣದಿಂದ ಹೊರಟ ರೈಲು ಕೆಸಿಂಗಾ ಜಂಕ್ಷನ್‌ ಕಡೆಗೆ ಹೋಗುತ್ತಿತ್ತು. ರೈಲು ನಿಲುಗಡೆ ವೇಳೆ ಚಾಲಕ ಸ್ಕಿಡ್ ಬ್ರೇಕ್‌ ಹಾಕದೆ ಇರುವುದು ಘಟನೆಗೆ ಕಾರಣ ಎಂದು ಹೇಳಲಾಗಿದೆ.

ಪ್ರಯಾಣಿಕರೊಬ್ಬರು ವಿಡಿಯೊ ಚಿತ್ರೀಕರಣ ಮಾಡಿದ್ದು, ಇದೀಗ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್‌ ಆಗಿದೆ. ಚಲಿಸುತ್ತಿರುವ ರೈಲಿನ ಮುಂಭಾಗ ಮತ್ತು ಹಿಂಭಾಗದಲ್ಲಿ ಎಂಜಿನ್‌ ಇಲ್ಲದಿರುವ ದೃಶ್ಯ ವಿಡಿಯೊದಲ್ಲಿ ಸೆರೆಯಾಗಿದೆ. 

ಘಟನೆ ಕುರಿತು ಉನ್ನತ ಮಟ್ಟದ ತನಿಖೆಗೆ ಆದೇಶಿಸಿದ್ದೇವೆ ಎಂದು ರೈಲ್ವೆ ಇಲಾಖೆಯ ಅಧಿಕಾರಿಗಳು ತಿಳಿಸಿದ್ದಾರೆ.

ಬರಹ ಇಷ್ಟವಾಯಿತೆ?

  • 0

    Happy
  • 0

    Amused
  • 0

    Sad
  • 0

    Frustrated
  • 0

    Angry