<p><strong>ಸಿಡ್ನಿ:</strong> ಭಾರತದ ಬಿ.ಸಾಯಿ ಪ್ರಣೀತ್ ಮತ್ತು ಸಮೀರ್ ವರ್ಮಾ, ಆಸ್ಟ್ರೇಲಿಯಾ ಓಪನ್ ಬ್ಯಾಡ್ಮಿಂಟನ್ ಟೂರ್ನಿಯಲ್ಲಿ ಶುಭಾರಂಭ ಮಾಡಿದ್ದಾರೆ.</p>.<p>ಬುಧವಾರ ನಡೆದ ಪುರುಷರ ಸಿಂಗಲ್ಸ್ ವಿಭಾಗದ ಆರಂಭಿಕ ಸುತ್ತಿನ ಹಣಾಹಣಿಯಲ್ಲಿ ಪ್ರಣೀತ್ 21–17, 21–14ರ ನೇರ ಗೇಮ್ಗಳಿಂದ ಇಸ್ರೇಲ್ನ ಮಿಶಾ ಜಿಲ್ಬರ್ಮನ್ ಅವರನ್ನು ಸೋಲಿಸಿದರು.</p>.<p>ಟೂರ್ನಿಯಲ್ಲಿ ಎರಡನೇ ಶ್ರೇಯಾಂಕ ಹೊಂದಿರುವ ಪ್ರಣೀತ್, ಮೊದಲ ಗೇಮ್ನ ಶುರುವಿನಿಂದಲೇ ಆಕ್ರಮಣಕಾರಿ ಆಟ ಆಡಿದರು. ಚುರು ಕಿನ ಸರ್ವ್ ಮತ್ತು ಡ್ರಾಪ್ಗಳ ಮೂಲಕ ಪಾಯಿಂಟ್ಸ್ ಕಲೆಹಾಕಿ ಮುನ್ನಡೆ ಗಳಿಸಿದರು.</p>.<p>ಇದರಿಂದ ಮಿಶಾ, ವಿಶ್ವಾಸ ಕಳೆದುಕೊಳ್ಳಲಿಲ್ಲ. ಅವರು ಭಾರತದ ಆಟಗಾರ ನಿಗೆ ಪ್ರಬಲ ಪೈಪೋಟಿ ಒಡ್ಡಿದರು. ಹೀಗಾಗಿ 17–17ರ ಸಮಬಲ ಕಂಡು ಬಂತು. ನಂತರ ಪ್ರಣೀತ್ ಮಿಂಚಿನ ಆಟ ಆಡಿ ಗೇಮ್ ಗೆದ್ದರು.</p>.<p>ಎರಡನೇ ಗೇಮ್ನ ಶುರುವಿನಲ್ಲೂ ಭಾರತದ ಆಟಗಾರ, ಮಿಶಾ ಅವರಿಂದ ಕಠಿಣ ಸ್ಪರ್ಧೆ ಎದುರಿಸಿದರು. ದ್ವಿತೀಯಾರ್ಧದಲ್ಲಿ ಪ್ರಣೀತ್, ಗುಣಮಟ್ಟದ ಆಟ ಆಡಿ ಗೆಲುವಿನ ತೋರಣ ಕಟ್ಟಿದರು. ಎರಡನೇ ಸುತ್ತಿನಲ್ಲಿ ಪ್ರಣೀತ್, ಇಂಡೊನೇಷ್ಯಾದ ಪಾಂಜಿ ಅಹಮದ್ ಮೌಲಾನ ವಿರುದ್ಧ ಆಡಲಿದ್ದಾರೆ.</p>.<p>ನಾಲ್ಕನೇ ಶ್ರೇಯಾಂಕಿತ ಆಟಗಾರ ಸಮೀರ್ ಮೊದಲ ಸುತ್ತಿನ ಪೈಪೋಟಿಯಲ್ಲಿ 13–21, 21–17, 21–12ರಲ್ಲಿ ನ್ಯೂಜಿಲೆಂಡ್ನ ಅಭಿನವ್ ಮನೋಟ ವಿರುದ್ಧ ಗೆದ್ದರು.</p>.<p>ಮೊದಲ ಗೇಮ್ನಲ್ಲಿ ನಿರಾಸೆ ಕಂಡ ಸಮೀರ್, ನಂತರದ ಎರಡು ಗೇಮ್ಗಳಲ್ಲೂ ಪ್ರಾಬಲ್ಯ ಮೆರೆದು ಎದುರಾಳಿಯ ಸವಾಲು ಮೀರಿದರು.</p>.<p>ಮುಂದಿನ ಸುತ್ತಿನಲ್ಲಿ ಸಮೀರ್, ಜಪಾನ್ನ ಟಕುಮಾ ಉಯೆದಾ ವಿರುದ್ಧ ಸೆಣಸಲಿದ್ದಾರೆ.</p>.<p>ಈ ವಿಭಾಗದ ಇನ್ನೊಂದು ಪಂದ್ಯ ದಲ್ಲಿ ಟಕುಮಾ 19–21, 21–17, 21–12ರಲ್ಲಿ ಭಾರತದ ಸೌರಭ್ ವರ್ಮಾ ಅವರನ್ನು ಮಣಿಸಿದರು.</p>.<p>ಶ್ರೇಯಾಂಕ ರಹಿತ ಆಟಗಾರ ಅಜಯ್ ಜಯರಾಮ್ 22–20, 20–22, 17–21ರಲ್ಲಿ ಜಪಾನ್ನ ರಿಚೀ ಟಕೆಶಿಟಾ ವಿರುದ್ಧ ಸೋತರು. ಈ ಹೋರಾಟ ಒಂದು ಗಂಟೆ 12 ನಿಮಿಷ ನಡೆಯಿತು.</p>.<p>ಕರಣ್ ರಾಜನ್ 15–21, 8–21ರಲ್ಲಿ ಇಂಡೊನೇಷ್ಯಾದ ಸೋನಿ ದ್ವಿ ಕೊಂಕೊರೊ ವಿರುದ್ಧ ಮಣಿದರು.</p>.<p><strong>ಎರಡನೇ ಸುತ್ತಿಗೆ ವೈಷ್ಣವಿ:</strong> ಮಹಿಳೆಯರ ಸಿಂಗಲ್ಸ್ ವಿಭಾಗದಲ್ಲಿ ಕಣದಲ್ಲಿರುವ ವೈಷ್ಣವಿ ರೆಡ್ಡಿ ಜಕ್ಕಾ ಎರಡನೇ ಸುತ್ತಿಗೆ ಲಗ್ಗೆ ಇಟ್ಟರು.</p>.<p>ಆರಂಭಿಕ ಸುತ್ತಿನ ಹಣಾಹಣಿಯಲ್ಲಿ ವೈಷ್ಣವಿ 19–21, 21–15, 21–15ರಲ್ಲಿ ಇಂಗ್ಲೆಂಡ್ನ ಜಾರ್ಜಿನಾ ಬ್ಲಾಂಡಾ ಅವರನ್ನು ಪರಾಭವಗೊಳಿಸಿದರು.</p>.<p>ಪುರುಷರ ಡಬಲ್ಸ್ನಲ್ಲಿ ಕಣದಲ್ಲಿರುವ ಮನು ಅತ್ರಿ ಮತ್ತು ಬಿ.ಸುಮಿತ್ ರೆಡ್ಡಿ ಮೊದಲ ಸುತ್ತಿನಲ್ಲಿ 21–11, 21–10ರಲ್ಲಿ ಲುಕಾಸ್ ಡೆಫೊಲ್ಕಿ ಮತ್ತು ಮೈಕಲ್ ಫಾರಿಮನ್ ವಿರುದ್ಧ ಗೆದ್ದರು.</p>.<p>ಎಂ.ಆರ್.ಅರ್ಜುನ್ ಮತ್ತು ರಾಮಚಂದ್ರನ್ ಶ್ಲೋಕ್ 21–17, 21–15ರಲ್ಲಿ ರೇಮಂಡ್ ಟಾಮ್ ಮತ್ತು ಎರಿಕ್ ವೊಂಗ್ ಅವರನ್ನು ಸೋಲಿಸಿದರು.</p>.<p>ರೋಹನ್ ಕಪೂರ್ ಮತ್ತು ಶಿವಂ ಶರ್ಮಾ 15–21, 21–15, 7–21ರಲ್ಲಿ ಮಲೇಷ್ಯಾದ ಟ್ಯಾಂಗ್ ಜೀ ಚೆನ್ ಮತ್ತು ಸೂನ್ ಹುವಾತ್ ಗೊಹ್ ವಿರುದ್ಧ ಸೋತರು.</p>.<p>ಮನು ಮತ್ತು ಸುಮಿತ್ ಅವರು ಎರಡನೇ ಸುತ್ತಿನಲ್ಲಿ ಕೊರಿಯಾದ ಹ್ಯೂಕ್ ಗ್ಯೂನ್ ಚೊಯ್ ಮತ್ತು ಕ್ಯೂಂಗ್ ಹೂನ್ ಪಾರ್ಕ್ ವಿರುದ್ಧ ಆಡಲಿದ್ದಾರೆ.</p>.<p>ಮಹಿಳೆಯರ ಡಬಲ್ಸ್ ವಿಭಾಗದಲ್ಲಿ ಮೇಘನಾ ಜಕ್ಕಂಪುಡಿ ಮತ್ತು ಪೂರ್ವಿಶಾ ಎಸ್.ರಾಮ್ ಶುಭಾರಂಭ ಮಾಡಿದರು.</p>.<p>ಆರಂಭಿಕ ಸುತ್ತಿನಲ್ಲಿ ಭಾರತದ ಜೋಡಿ 21–10, 21–16ರಲ್ಲಿ ಆಸ್ಟ್ರೇಲಿಯಾದ ಮ್ಯಾಗಿ ಚಾನ್ ಮತ್ತು ಜೊಡೀ ವೆಗಾ ವಿರುದ್ಧ ಗೆದ್ದಿತು.</p>.<p>ಮುಂದಿನ ಸುತ್ತಿನಲ್ಲಿ ಪೂರ್ವಿಶಾ ಮತ್ತು ಮೇಘನಾ ಅವರು ಜಪಾನ್ನ ಮಿಕಿ ಕಶಿಹರಾ ಮತ್ತು ಮಿಯುಕಿ ಕ್ಯಾಟೊ ವಿರುದ್ಧ ಆಡಲಿದ್ದಾರೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಸಿಡ್ನಿ:</strong> ಭಾರತದ ಬಿ.ಸಾಯಿ ಪ್ರಣೀತ್ ಮತ್ತು ಸಮೀರ್ ವರ್ಮಾ, ಆಸ್ಟ್ರೇಲಿಯಾ ಓಪನ್ ಬ್ಯಾಡ್ಮಿಂಟನ್ ಟೂರ್ನಿಯಲ್ಲಿ ಶುಭಾರಂಭ ಮಾಡಿದ್ದಾರೆ.</p>.<p>ಬುಧವಾರ ನಡೆದ ಪುರುಷರ ಸಿಂಗಲ್ಸ್ ವಿಭಾಗದ ಆರಂಭಿಕ ಸುತ್ತಿನ ಹಣಾಹಣಿಯಲ್ಲಿ ಪ್ರಣೀತ್ 21–17, 21–14ರ ನೇರ ಗೇಮ್ಗಳಿಂದ ಇಸ್ರೇಲ್ನ ಮಿಶಾ ಜಿಲ್ಬರ್ಮನ್ ಅವರನ್ನು ಸೋಲಿಸಿದರು.</p>.<p>ಟೂರ್ನಿಯಲ್ಲಿ ಎರಡನೇ ಶ್ರೇಯಾಂಕ ಹೊಂದಿರುವ ಪ್ರಣೀತ್, ಮೊದಲ ಗೇಮ್ನ ಶುರುವಿನಿಂದಲೇ ಆಕ್ರಮಣಕಾರಿ ಆಟ ಆಡಿದರು. ಚುರು ಕಿನ ಸರ್ವ್ ಮತ್ತು ಡ್ರಾಪ್ಗಳ ಮೂಲಕ ಪಾಯಿಂಟ್ಸ್ ಕಲೆಹಾಕಿ ಮುನ್ನಡೆ ಗಳಿಸಿದರು.</p>.<p>ಇದರಿಂದ ಮಿಶಾ, ವಿಶ್ವಾಸ ಕಳೆದುಕೊಳ್ಳಲಿಲ್ಲ. ಅವರು ಭಾರತದ ಆಟಗಾರ ನಿಗೆ ಪ್ರಬಲ ಪೈಪೋಟಿ ಒಡ್ಡಿದರು. ಹೀಗಾಗಿ 17–17ರ ಸಮಬಲ ಕಂಡು ಬಂತು. ನಂತರ ಪ್ರಣೀತ್ ಮಿಂಚಿನ ಆಟ ಆಡಿ ಗೇಮ್ ಗೆದ್ದರು.</p>.<p>ಎರಡನೇ ಗೇಮ್ನ ಶುರುವಿನಲ್ಲೂ ಭಾರತದ ಆಟಗಾರ, ಮಿಶಾ ಅವರಿಂದ ಕಠಿಣ ಸ್ಪರ್ಧೆ ಎದುರಿಸಿದರು. ದ್ವಿತೀಯಾರ್ಧದಲ್ಲಿ ಪ್ರಣೀತ್, ಗುಣಮಟ್ಟದ ಆಟ ಆಡಿ ಗೆಲುವಿನ ತೋರಣ ಕಟ್ಟಿದರು. ಎರಡನೇ ಸುತ್ತಿನಲ್ಲಿ ಪ್ರಣೀತ್, ಇಂಡೊನೇಷ್ಯಾದ ಪಾಂಜಿ ಅಹಮದ್ ಮೌಲಾನ ವಿರುದ್ಧ ಆಡಲಿದ್ದಾರೆ.</p>.<p>ನಾಲ್ಕನೇ ಶ್ರೇಯಾಂಕಿತ ಆಟಗಾರ ಸಮೀರ್ ಮೊದಲ ಸುತ್ತಿನ ಪೈಪೋಟಿಯಲ್ಲಿ 13–21, 21–17, 21–12ರಲ್ಲಿ ನ್ಯೂಜಿಲೆಂಡ್ನ ಅಭಿನವ್ ಮನೋಟ ವಿರುದ್ಧ ಗೆದ್ದರು.</p>.<p>ಮೊದಲ ಗೇಮ್ನಲ್ಲಿ ನಿರಾಸೆ ಕಂಡ ಸಮೀರ್, ನಂತರದ ಎರಡು ಗೇಮ್ಗಳಲ್ಲೂ ಪ್ರಾಬಲ್ಯ ಮೆರೆದು ಎದುರಾಳಿಯ ಸವಾಲು ಮೀರಿದರು.</p>.<p>ಮುಂದಿನ ಸುತ್ತಿನಲ್ಲಿ ಸಮೀರ್, ಜಪಾನ್ನ ಟಕುಮಾ ಉಯೆದಾ ವಿರುದ್ಧ ಸೆಣಸಲಿದ್ದಾರೆ.</p>.<p>ಈ ವಿಭಾಗದ ಇನ್ನೊಂದು ಪಂದ್ಯ ದಲ್ಲಿ ಟಕುಮಾ 19–21, 21–17, 21–12ರಲ್ಲಿ ಭಾರತದ ಸೌರಭ್ ವರ್ಮಾ ಅವರನ್ನು ಮಣಿಸಿದರು.</p>.<p>ಶ್ರೇಯಾಂಕ ರಹಿತ ಆಟಗಾರ ಅಜಯ್ ಜಯರಾಮ್ 22–20, 20–22, 17–21ರಲ್ಲಿ ಜಪಾನ್ನ ರಿಚೀ ಟಕೆಶಿಟಾ ವಿರುದ್ಧ ಸೋತರು. ಈ ಹೋರಾಟ ಒಂದು ಗಂಟೆ 12 ನಿಮಿಷ ನಡೆಯಿತು.</p>.<p>ಕರಣ್ ರಾಜನ್ 15–21, 8–21ರಲ್ಲಿ ಇಂಡೊನೇಷ್ಯಾದ ಸೋನಿ ದ್ವಿ ಕೊಂಕೊರೊ ವಿರುದ್ಧ ಮಣಿದರು.</p>.<p><strong>ಎರಡನೇ ಸುತ್ತಿಗೆ ವೈಷ್ಣವಿ:</strong> ಮಹಿಳೆಯರ ಸಿಂಗಲ್ಸ್ ವಿಭಾಗದಲ್ಲಿ ಕಣದಲ್ಲಿರುವ ವೈಷ್ಣವಿ ರೆಡ್ಡಿ ಜಕ್ಕಾ ಎರಡನೇ ಸುತ್ತಿಗೆ ಲಗ್ಗೆ ಇಟ್ಟರು.</p>.<p>ಆರಂಭಿಕ ಸುತ್ತಿನ ಹಣಾಹಣಿಯಲ್ಲಿ ವೈಷ್ಣವಿ 19–21, 21–15, 21–15ರಲ್ಲಿ ಇಂಗ್ಲೆಂಡ್ನ ಜಾರ್ಜಿನಾ ಬ್ಲಾಂಡಾ ಅವರನ್ನು ಪರಾಭವಗೊಳಿಸಿದರು.</p>.<p>ಪುರುಷರ ಡಬಲ್ಸ್ನಲ್ಲಿ ಕಣದಲ್ಲಿರುವ ಮನು ಅತ್ರಿ ಮತ್ತು ಬಿ.ಸುಮಿತ್ ರೆಡ್ಡಿ ಮೊದಲ ಸುತ್ತಿನಲ್ಲಿ 21–11, 21–10ರಲ್ಲಿ ಲುಕಾಸ್ ಡೆಫೊಲ್ಕಿ ಮತ್ತು ಮೈಕಲ್ ಫಾರಿಮನ್ ವಿರುದ್ಧ ಗೆದ್ದರು.</p>.<p>ಎಂ.ಆರ್.ಅರ್ಜುನ್ ಮತ್ತು ರಾಮಚಂದ್ರನ್ ಶ್ಲೋಕ್ 21–17, 21–15ರಲ್ಲಿ ರೇಮಂಡ್ ಟಾಮ್ ಮತ್ತು ಎರಿಕ್ ವೊಂಗ್ ಅವರನ್ನು ಸೋಲಿಸಿದರು.</p>.<p>ರೋಹನ್ ಕಪೂರ್ ಮತ್ತು ಶಿವಂ ಶರ್ಮಾ 15–21, 21–15, 7–21ರಲ್ಲಿ ಮಲೇಷ್ಯಾದ ಟ್ಯಾಂಗ್ ಜೀ ಚೆನ್ ಮತ್ತು ಸೂನ್ ಹುವಾತ್ ಗೊಹ್ ವಿರುದ್ಧ ಸೋತರು.</p>.<p>ಮನು ಮತ್ತು ಸುಮಿತ್ ಅವರು ಎರಡನೇ ಸುತ್ತಿನಲ್ಲಿ ಕೊರಿಯಾದ ಹ್ಯೂಕ್ ಗ್ಯೂನ್ ಚೊಯ್ ಮತ್ತು ಕ್ಯೂಂಗ್ ಹೂನ್ ಪಾರ್ಕ್ ವಿರುದ್ಧ ಆಡಲಿದ್ದಾರೆ.</p>.<p>ಮಹಿಳೆಯರ ಡಬಲ್ಸ್ ವಿಭಾಗದಲ್ಲಿ ಮೇಘನಾ ಜಕ್ಕಂಪುಡಿ ಮತ್ತು ಪೂರ್ವಿಶಾ ಎಸ್.ರಾಮ್ ಶುಭಾರಂಭ ಮಾಡಿದರು.</p>.<p>ಆರಂಭಿಕ ಸುತ್ತಿನಲ್ಲಿ ಭಾರತದ ಜೋಡಿ 21–10, 21–16ರಲ್ಲಿ ಆಸ್ಟ್ರೇಲಿಯಾದ ಮ್ಯಾಗಿ ಚಾನ್ ಮತ್ತು ಜೊಡೀ ವೆಗಾ ವಿರುದ್ಧ ಗೆದ್ದಿತು.</p>.<p>ಮುಂದಿನ ಸುತ್ತಿನಲ್ಲಿ ಪೂರ್ವಿಶಾ ಮತ್ತು ಮೇಘನಾ ಅವರು ಜಪಾನ್ನ ಮಿಕಿ ಕಶಿಹರಾ ಮತ್ತು ಮಿಯುಕಿ ಕ್ಯಾಟೊ ವಿರುದ್ಧ ಆಡಲಿದ್ದಾರೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>