ನಾಗ್ಪುರ: ಆಪ್ಟಿಕಲ್ ಫೈಬರ್ ಕೇಬಲ್ ವ್ಯವಹಾರಕ್ಕೆ ಸಂಬಂಧಿಸಿ ಮಹಾರಾಷ್ಟ್ರದ ನವೀ ಮುಂಬೈನ ಉದ್ಯಮಿಗೆ ₹4.41 ಕೋಟಿ ವಂಚಿಸಿರುವ ಆರೋಪದಲ್ಲಿ ನಾಗ್ಪುರದ ಇಬ್ಬರ ವಿರುದ್ಧ ಇಲ್ಲಿನ ಪೊಲೀಸರು ಪ್ರಕರಣ ದಾಖಲಿಸಿಕೊಂಡಿದ್ದಾರೆ.
ಆಪ್ಟಿಕಲ್ ಫೈಬರ್ ಕೇಬಲ್ಗಳ ವ್ಯವಹಾರ ನಡೆಸುತ್ತಿರುವ ಉದ್ಯಮಿಗೆ, ಕೇಬಲ್ ಪೂರೈಕೆ ಮಾಡುವುದಾಗಿ ನಂಬಿಸಿ ಆರೋಪಿಗಳು ವಂಚಿಸಿದ್ದಾರೆ ಎಂದು ಪೊಲೀಸರು ಗುರುವಾರ ತಿಳಿಸಿದ್ದಾರೆ.
‘ಉದ್ಯಮಿಯು ಕಳೆದ ಜನವರಿಯಿಂದ ಆರೋಪಿಗಳ ಬ್ಯಾಂಕ್ ಖಾತೆಗೆ ಹಣ ಸಂದಾಯ ಮಾಡಿದ್ದಾರೆ. ಆದರೆ ಆರೋಪಿಗಳು ಕೇಬಲ್ ಪೂರೈಕೆ ಮಾಡಿಲ್ಲ’ ಎಂದಿದ್ದಾರೆ.