ಕ್ರಿಕೆಟ್ ಆಡುವಾಗ ಹೃದಯಾಘಾತ: 22 ವರ್ಷದ ಯುವಕ ಸಾವು

ಖಾರ್ಗೋನ್ (ಮಧ್ಯಪ್ರದೇಶ): ಕ್ರಿಕೆಟ್ ಆಡುವಾಗ 22 ವರ್ಷ ವಯಸ್ಸಿನ ಯುವಕನೊಬ್ಬ ಹೃದಯಾಘಾತದಿಂದ ಮೃತಪಟ್ಟಿರುವ ಘಟನೆ ಮಧ್ಯಪ್ರದೇಶದ ಖಾರ್ಗೋನ್ ಜಿಲ್ಲೆಯಲ್ಲಿ ನಡೆದಿರುವುದು ವರದಿಯಾಗಿದೆ.

ಮೃತನನ್ನು ಇಂದಾಲ್ ಸಿಂಗ್ ಜಾದವ್ ಎಂದು ಗುರುತಿಸಲಾಗಿದೆ.

ಬಾಲವಾಡ್ ವ್ಯಾಪ್ತಿಯ ಕಾಟ್‌ಕೂಟ್ ಎಂಬಲ್ಲಿ ಭಾನುವಾರ ಕ್ರಿಕೆಟ್ ಟೂರ್ನಾಮೆಂಟ್ ವೇಳೆ ಇಂದಾಲ್ ಬೌಲಿಂಗ್ ಮಾಡುವ ವೇಳೆ ಏಕಾಏಕಿ ಕುಸಿದು ಬಿದ್ದಿದ್ದರು. ತಕ್ಷಣವೇ ಅವರನ್ನು ಆಸ್ಪತ್ರೆಗೆ ದಾಖಲಿಸಿತಾದರೂ ಬದುಕುಳಿಯಲಿಲ್ಲ. ತೀವ್ರ ಹೃದಯಾಘಾತದಿಂದ ಮೃತರಾಗಿದ್ದಾರೆ ಎಂದು ವೈದ್ಯರು ತಿಳಿಸಿದ್ದಾರೆ.

ಇಂದಾಲ್ ಸಿಂಗ್ ಜಾದವ್ ಖಾರ್ಗೋನ್ ಜಿಲ್ಲೆಯಲ್ಲಿ ಪ್ರತಿಭಾವಂತ ಕ್ರಿಕೆಟ್ ಆಟಗಾರ ಆಗಿದ್ದರು ಎಂದು ಸ್ನೇಹಿತರು ತಿಳಿಸಿರುವುದಾಗಿ ಸುದ್ದಿಸಂಸ್ಥೆ ಪಿಟಿಐ ವರದಿ ಮಾಡಿದೆ.