ಶೂಟೌಟ್ ನಡೆಯುವ ಮುನ್ನವೇ ಆರೋಪಿ ರೆಸ್ಟೋರೆಂಟ್ ಒಳಗೆ ಇದ್ದ ಎಂಬ ಸಿಸಿಟಿವಿ ದೃಶ್ಯಾವಳಿ ಬಗ್ಗೆ ಪೊಲೀಸರು ಇನ್ನಷ್ಟೇ ಖಚಿತಪಡಿಸಬೇಕಿದೆ. ಎಂಜಿನಿಯರಿಂಗ್ ಪದವಿ ಪಡೆದ ಬಳಿಕ ಹೈದರಾಬಾದ್ನ ಸಾಫ್ಟ್ವೇರ್ ಕಂಪನಿಯಲ್ಲಿ ಕೆಲಸ ಮಾಡುತ್ತಿದ್ದ ಶರತ್, ಸ್ನಾತಕೋತ್ತರ ಪದವಿಗಾಗಿ ಜನವರಿಯಲ್ಲಿ ಅಮೆರಿಕಕ್ಕೆ ಬಂದು ಮಿಸ್ಸೌರಿ ವಿಶ್ವವಿದ್ಯಾಲಯದಲ್ಲಿ ಪ್ರವೇಶ ಪಡೆದಿದ್ದರು. ಅಧ್ಯಯನದ ಜೊತೆಗೆ ಜೇಸ್ ಫಿಶ್ ಆಂಡ್ ಚಿಕನ್ ಮಾರುಕಟ್ಟೆಯಲ್ಲಿ ಅವರು ಅರೆಕಾಲಿಕ ಕೆಲಸ ಮಾಡುತ್ತಿದ್ದರು.
