ಡೆಹಾಡ್ರೂನ್‌(ಉತ್ತರಾಖಂಡ): ಮಹಿಳಾ ಸಹೋದ್ಯೋಗಿಗಳಿಗೆ ಲೈಂಗಿಕ ಕಿರುಕುಳ ನೀಡುತ್ತಿದ್ದ ವೈದ್ಯನನ್ನು ಬಂಧಿಸಲು ಪೊಲೀಸರು ತಮ್ಮ ವಾಹನ ಸಮೇತ ಆಸ್ಪತ್ರೆಯ ಏಮರ್ಜನ್ಸಿ ವಾರ್ಡ್‌ ಒಳಗೆ ನುಗ್ಗಿದ ಘಟನೆ ಋಷಿಕೇಶದ ಏಮ್ಸ್‌ ಆಸ್ಪತ್ರೆಯಲ್ಲಿ ನಡೆದಿದೆ.
ಸಿನಿಮೀಯ ಕಾರ್ಯಾಚರಣೆಯಲ್ಲಿ ನಾಲ್ಕನೇ ಮಹಡಿಯಲ್ಲಿರುವ ಏಮರ್ಜನ್ಸಿ ವಾರ್ಡ್‌ಗೆ ವಾಹನ ಸಮೇತ ನುಗ್ಗಿದ ಡೆಹ್ರಾಡೂನ್ ಪೊಲೀಸರು ಆರೋಪಿಯನ್ನು ಬಂಧಿಸಿದ್ದಾರೆ ಎಂದು ಮಾಧ್ಯಮ ವರದಿಗಳು ತಿಳಿಸಿವೆ.
ಆಸ್ಪತ್ರೆ ಒಳಗೆ ಆರೋಪಿಯಿರುವ ಮಾಹಿತಿ ಪಡೆದ ಪೊಲೀಸರು, ‘ದಬಾಂಗ್’ ಸಿನಿಮಾದ ಶೈಲಿಯಲ್ಲಿ ಆರೋಪಿಯನ್ನು ಬಂಧಿಸಿದ್ದಾರೆ. ಆಸ್ಪತ್ರೆಯ ಇಳಿಜಾರು ಮಾರ್ಗದಲ್ಲಿ ವಾಹನವನ್ನು ಓಡಿಸಿ ಆಸ್ಪತ್ರೆಯ ನಾಲ್ಕನೇ ಮಹಡಿ ತಲುಪಿದ ಅವರು, ಅಲ್ಲಿಂದಲೇ ಆರೋಪಿಯನ್ನು ಬಂಧಿಸಿದ್ದಾರೆ. ಈ ದೃಶ್ಯ ಕ್ಯಾಮರಾಗಳಲ್ಲಿ ಸೆರೆಯಾಗಿದ್ದು, ಸಾಮಾಜಿಕ ಜಾಲತಾಣಗಳಲ್ಲಿ ಹರಿದಾಡುತ್ತಿದೆ.
