<p><strong>ನವದೆಹಲಿ</strong>: ಸಾಂಕ್ರಾಮಿಕವು ಒಡ್ಡಿದ್ದ ಸವಾಲಿನ ಹೊರತಾಗಿಯೂ ಭಾರತದಲ್ಲಿ 2022–24ರ ಅವಧಿಯಲ್ಲಿ ಬಡತನ ಪ್ರಮಾಣ ಶೇ 8.5ಕ್ಕೆ ಇಳಿಕೆಯಾಗಿದೆ. 2011–12ರಲ್ಲಿ ಬಡತನ ಪ್ರಮಾಣ ಶೇ 21.2ರಷ್ಟಿತ್ತು ಎಂದು ಚಿಂತಕರ ಚಾವಡಿ ಎನ್ಸಿಎಇಆರ್ ಸಂಶೋಧನಾ ವರದಿ ಹೇಳಿದೆ.</p>.<p>ಭಾರತದ ಮಾನವ ಅಭಿವೃದ್ಧಿ ಸಮೀಕ್ಷೆಯ (ಐಎಚ್ಡಿಎಸ್) 1, 2 ಮತ್ತು 3ನೇ ಆವೃತ್ತಿಯ ದತ್ತಾಂಶಗಳನ್ನು ಬಳಸಿಕೊಂಡು ಎನ್ಸಿಎಇಆರ್ನ ಸೋನಾಲ್ದೆ ದೇಸಾಯಿ ಅವರು ರಚಿಸಿದ ‘ರಿಥಿಂಕಿಂಗ್ ಸೋಷಿಯಲ್ ಸೇಫ್ಟಿ ನೆಟ್ಸ್ ಇನ್ ಎ ಚೇಂಜಿಂಗ್ ಸೊಸೈಟಿ’ ಕುರಿತ ವರದಿಯಲ್ಲಿ ಇದನ್ನು ಉಲ್ಲೇಖಿಸಲಾಗಿದೆ.</p>.<p>ಐಎಚ್ಡಿಎಸ್ ಪ್ರಕಾರ, ಭಾರತದಲ್ಲಿ ಬಡತನ ಪ್ರಮಾಣವು ಗಣನೀಯವಾಗಿ ತಗ್ಗುತ್ತಿದೆ. 2004–05ರಲ್ಲಿ ಶೇ 38.6ರಷ್ಟಿದ್ದ ಬಡತನ ಪ್ರಮಾಣವು 2011–12ರ ವೇಳೆಗೆ ಶೇ 21.2ಕ್ಕೆ ತಗ್ಗಿತ್ತು. ಇದೀಗ ಶೇ 8.5ಕ್ಕೆ ಇಳಿಕೆಯಾಗಿದೆ. 10 ವರ್ಷದಲ್ಲಿ ಬಡತನ ಪ್ರಮಾಣ ಶೇ 12.7ರಷ್ಟು ಇಳಿಕೆಯಾಗಿದೆ.</p>.<p>ದೀರ್ಘಕಾಲದ ಬಡತನವನ್ನು ನಿವಾರಿಸಲು ಕೈಗೊಳ್ಳುವ ಸಾಂಪ್ರದಾಯಿಕ ತಂತ್ರಗಳು ಕಡಿಮೆ ಪರಿಣಾಮಕಾರಿಯಾಗಬಹುದು ಎಂದೂ ವರದಿಯು ಹೇಳಿದೆ.</p>.<p>ಭಾರತವು ಅಭಿವೃದ್ಧಿಯತ್ತ ಸಾಗುತ್ತಿದ್ದು, ಸಾಮಾಜಿಕ ಸಂರಕ್ಷಣಾ ವ್ಯವಸ್ಥೆಗಳು, ಸಾಮಾಜಿಕ ಪರಿವರ್ತನೆಯ ವೇಗದೊಂದಿಗೆ ಮುಂದುವರಿಯುವುದನ್ನು ಖಚಿತಪಡಿಸಿಕೊಳ್ಳುವುದು ಭಾರತಕ್ಕೆ ಪ್ರಮುಖ ಸವಾಲಾಗಿದೆ ಎಂದು ವರದಿ ತಿಳಿಸಿದೆ.</p>.<p>ಇದೇ ಸಂದರ್ಭದಲ್ಲಿ, ಆರ್ಥಿಕ ಬೆಳವಣಿಗೆಯ ಯುಗದಲ್ಲಿ ವಿಫುಲ ಅವಕಾಶಗಳು ದೊರೆತಾಗ, ದೀರ್ಘಾವಧಿಯಲ್ಲಿ ಬಡತನ ಪ್ರಮಾಣ ಕಡಿಮೆಯಾಗಬಹುದು. ಆದರೆ ನೈಸರ್ಗಿಕ ವಿಪತ್ತು, ಅನಾರೋಗ್ಯ ಮತ್ತು ಸಾವುಗಳಿಗೆ ಸಂಬಂಧಿಸಿದ ಆಕಸ್ಮಿಕ ಘಟನೆಗಳು ಹಾಗೂ ಉದ್ಯೋಗ-ನಿರ್ದಿಷ್ಟ ಅವಕಾಶಗಳಲ್ಲಿನ ಬದಲಾವಣೆಗಳು ಹೆಚ್ಚು ಮುಖ್ಯವಾಗಬಹುದು ಎಂದು ಹೇಳಿದೆ.</p>.<p>ಇದಕ್ಕೂ ಮುನ್ನ ನೀತಿ ಆಯೋಗದ ಸಿಇಒ ಬಿ.ವಿ.ಆರ್ ಸುಬ್ರಮಣ್ಯಂ ಅವರು, ಇತ್ತೀಚಿನ ಗ್ರಾಹಕ ವೆಚ್ಚ ಸಮೀಕ್ಷೆ ಪ್ರಕಾರ, ದೇಶದಲ್ಲಿ ಬಡತನ ಪ್ರಮಾಣವು ಶೇ 5ಕ್ಕೆ ತಗ್ಗಿದೆ ಎಂದು ಹೇಳಿದ್ದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ನವದೆಹಲಿ</strong>: ಸಾಂಕ್ರಾಮಿಕವು ಒಡ್ಡಿದ್ದ ಸವಾಲಿನ ಹೊರತಾಗಿಯೂ ಭಾರತದಲ್ಲಿ 2022–24ರ ಅವಧಿಯಲ್ಲಿ ಬಡತನ ಪ್ರಮಾಣ ಶೇ 8.5ಕ್ಕೆ ಇಳಿಕೆಯಾಗಿದೆ. 2011–12ರಲ್ಲಿ ಬಡತನ ಪ್ರಮಾಣ ಶೇ 21.2ರಷ್ಟಿತ್ತು ಎಂದು ಚಿಂತಕರ ಚಾವಡಿ ಎನ್ಸಿಎಇಆರ್ ಸಂಶೋಧನಾ ವರದಿ ಹೇಳಿದೆ.</p>.<p>ಭಾರತದ ಮಾನವ ಅಭಿವೃದ್ಧಿ ಸಮೀಕ್ಷೆಯ (ಐಎಚ್ಡಿಎಸ್) 1, 2 ಮತ್ತು 3ನೇ ಆವೃತ್ತಿಯ ದತ್ತಾಂಶಗಳನ್ನು ಬಳಸಿಕೊಂಡು ಎನ್ಸಿಎಇಆರ್ನ ಸೋನಾಲ್ದೆ ದೇಸಾಯಿ ಅವರು ರಚಿಸಿದ ‘ರಿಥಿಂಕಿಂಗ್ ಸೋಷಿಯಲ್ ಸೇಫ್ಟಿ ನೆಟ್ಸ್ ಇನ್ ಎ ಚೇಂಜಿಂಗ್ ಸೊಸೈಟಿ’ ಕುರಿತ ವರದಿಯಲ್ಲಿ ಇದನ್ನು ಉಲ್ಲೇಖಿಸಲಾಗಿದೆ.</p>.<p>ಐಎಚ್ಡಿಎಸ್ ಪ್ರಕಾರ, ಭಾರತದಲ್ಲಿ ಬಡತನ ಪ್ರಮಾಣವು ಗಣನೀಯವಾಗಿ ತಗ್ಗುತ್ತಿದೆ. 2004–05ರಲ್ಲಿ ಶೇ 38.6ರಷ್ಟಿದ್ದ ಬಡತನ ಪ್ರಮಾಣವು 2011–12ರ ವೇಳೆಗೆ ಶೇ 21.2ಕ್ಕೆ ತಗ್ಗಿತ್ತು. ಇದೀಗ ಶೇ 8.5ಕ್ಕೆ ಇಳಿಕೆಯಾಗಿದೆ. 10 ವರ್ಷದಲ್ಲಿ ಬಡತನ ಪ್ರಮಾಣ ಶೇ 12.7ರಷ್ಟು ಇಳಿಕೆಯಾಗಿದೆ.</p>.<p>ದೀರ್ಘಕಾಲದ ಬಡತನವನ್ನು ನಿವಾರಿಸಲು ಕೈಗೊಳ್ಳುವ ಸಾಂಪ್ರದಾಯಿಕ ತಂತ್ರಗಳು ಕಡಿಮೆ ಪರಿಣಾಮಕಾರಿಯಾಗಬಹುದು ಎಂದೂ ವರದಿಯು ಹೇಳಿದೆ.</p>.<p>ಭಾರತವು ಅಭಿವೃದ್ಧಿಯತ್ತ ಸಾಗುತ್ತಿದ್ದು, ಸಾಮಾಜಿಕ ಸಂರಕ್ಷಣಾ ವ್ಯವಸ್ಥೆಗಳು, ಸಾಮಾಜಿಕ ಪರಿವರ್ತನೆಯ ವೇಗದೊಂದಿಗೆ ಮುಂದುವರಿಯುವುದನ್ನು ಖಚಿತಪಡಿಸಿಕೊಳ್ಳುವುದು ಭಾರತಕ್ಕೆ ಪ್ರಮುಖ ಸವಾಲಾಗಿದೆ ಎಂದು ವರದಿ ತಿಳಿಸಿದೆ.</p>.<p>ಇದೇ ಸಂದರ್ಭದಲ್ಲಿ, ಆರ್ಥಿಕ ಬೆಳವಣಿಗೆಯ ಯುಗದಲ್ಲಿ ವಿಫುಲ ಅವಕಾಶಗಳು ದೊರೆತಾಗ, ದೀರ್ಘಾವಧಿಯಲ್ಲಿ ಬಡತನ ಪ್ರಮಾಣ ಕಡಿಮೆಯಾಗಬಹುದು. ಆದರೆ ನೈಸರ್ಗಿಕ ವಿಪತ್ತು, ಅನಾರೋಗ್ಯ ಮತ್ತು ಸಾವುಗಳಿಗೆ ಸಂಬಂಧಿಸಿದ ಆಕಸ್ಮಿಕ ಘಟನೆಗಳು ಹಾಗೂ ಉದ್ಯೋಗ-ನಿರ್ದಿಷ್ಟ ಅವಕಾಶಗಳಲ್ಲಿನ ಬದಲಾವಣೆಗಳು ಹೆಚ್ಚು ಮುಖ್ಯವಾಗಬಹುದು ಎಂದು ಹೇಳಿದೆ.</p>.<p>ಇದಕ್ಕೂ ಮುನ್ನ ನೀತಿ ಆಯೋಗದ ಸಿಇಒ ಬಿ.ವಿ.ಆರ್ ಸುಬ್ರಮಣ್ಯಂ ಅವರು, ಇತ್ತೀಚಿನ ಗ್ರಾಹಕ ವೆಚ್ಚ ಸಮೀಕ್ಷೆ ಪ್ರಕಾರ, ದೇಶದಲ್ಲಿ ಬಡತನ ಪ್ರಮಾಣವು ಶೇ 5ಕ್ಕೆ ತಗ್ಗಿದೆ ಎಂದು ಹೇಳಿದ್ದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
