ರಸ್ತೆ ಬದಿಯಲ್ಲಿ ಟೀ ತಯಾರಿಸಿ, ಸೇವಿಸಿದ ಪಶ್ಚಿಮ ಬಂಗಾಳ ಸಿಎಂ ಮಮತಾ ಬ್ಯಾನರ್ಜಿ
ಕೋಲ್ಕತ್ತ: ಪಶ್ಚಿಮ ಬಂಗಾಳದ ಮುಖ್ಯಮಂತ್ರಿ ಮಮತಾ ಬ್ಯಾನರ್ಜಿ ಅವರು ಲೋಕಸಭಾ ಚುನಾವಣಾ ಪ್ರಚಾರದಲ್ಲಿ ಸಕ್ರಿಯರಾಗಿದ್ದಾರೆ. ಇಂದು (ಬುಧವಾರ) ಅವರು ಜಲಪೈಗುರಿ ಜಿಲ್ಲೆಯ ಟೀ ಸ್ಟಾಲ್‌ವೊಂದರಲ್ಲಿ ಟೀ ತಯಾರಿಸಿ, ಸ್ಥಳೀಯ ಕಾರ್ಮಿಕರೊಂದಿಗೆ ಸೇವಿಸುವ ಮೂಲಕ ಗಮನ ಸೆಳೆದಿದ್ದಾರೆ.
ಈ ಸಂಬಂಧ ಸಾಮಾಜಿಕ ಜಾಲತಾಣ ಎಕ್ಸ್‌ನಲ್ಲಿ ಪೋಸ್ಟ್‌ ಹಂಚಿಕೊಂಡಿರುವ ತೃಣಮೂಲ ಕಾಂಗ್ರೆಸ್ (ಟಿಎಂಸಿ), ಸ್ಥಳೀಯ ಟೀ ಎಸ್ಟೇಟ್‌ ಕಾರ್ಮಿಕರೊಂದಿಗೆ ಚಹಾ ಸೇವಿಸಿ, ಮಮತಾ ಅವರು ಸಂವಾದ ನಡೆಸಿದರು ಎಂದು ಹೇಳಿದೆ
ಮಮತಾ ಬ್ಯಾನರ್ಜಿ ಅವರು ಟೀ ಎಸ್ಟೇಟ್‌ನಲ್ಲಿ ಕಾರ್ಮಿಕರಿಗೆ ಚಹಾ ಎಲೆ ಬಿಡಿಸುವ ಕೆಲಸದಲ್ಲಿ ನೆರವಾದರು. ಈ ವೇಳೆ ಕಾರ್ಮಿಕರ ಸಂಕಷ್ಟಗಳನ್ನು ಆಲಿಸಿದರು. ಶಾಲಾ ಮಕ್ಕಳೊಂದಿಗೆ ಮಾತನಾಡಿದ ಮಮತಾ, ‘ಮಕ್ಕಳ ಮುಗ್ಧತೆ ಹಾಗೂ ಅವರ ಉತ್ಸಾಹ, ಉತ್ತಮ ಭವಿಷ್ಯ ರೂಪಿಸುವತ್ತ ನಮ್ಮನ್ನು ಉತ್ತೇಜಿಸುತ್ತದೆ‘ ಎಂದು ಹೇಳಿದ್ದಾರೆ.
ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್, ಎಕ್ಸ್, ಫೇಸ್‌ಬುಕ್ ಮತ್ತು ಇನ್‌ಸ್ಟಾಗ್ರಾಂನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.