ಶನಿವಾರ ರಾತ್ರಿಯೇ ಹುಲುಗಾರು ಗುಡ್ಡದಲ್ಲಿ ಬೆಂಕಿ ಕಾಣಿಸಿಕೊಂಡಿತ್ತು. ಊರ ಮಧ್ಯದ ಕಾಡಿಗೆ ತಗುಲಿದ ಬೆಂಕಿ ಕಳಸಾಪುರ, ಜಂಕ್ಷನ್, ಜಾರ್ಕಲ್, ನೇತ್ರಕಲ್ ಎಸ್ಟೇಟ್ ಭಾಗಕ್ಕೆ ಹರಡಿದೆ. ಬೆಂಕಿ ನಂದಿಸಲು ಗ್ರಾಮಸ್ಥರು ಹರಸಾಹಸ ನಡೆಸಿದರೂ ಸಾಧ್ಯವಾಗಲಿಲ್ಲ. ಅಗ್ನಿಶಾಮಕ ವಾಹನ ಬರಲು ಸೂಕ್ತ ದಾರಿಯಿಲ್ಲದ ಕಾರಣ ಬೆಂಕಿ ನಂದಿಸುವ ಕಾರ್ಯಕ್ಕೆ ತೊಡಕಾಯಿತು. ಅರಣ್ಯ ಇಲಾಖೆ ಮತ್ತು ಅಗ್ನಿಶಾಮಕ ಸಿಬ್ಬಂದಿ ಭಾನುವಾರ ಸಂಜೆವರೆಗೂ ಬೆಂಕಿ ನಂದಿಸುವ ಕಾರ್ಯದಲ್ಲಿ ತೊಡಗಿದ್ದರು.