ದ್ಯುತಿ ವಿದ್ಯುತ್ ಪರಿಣಾಮ ತತ್ವದ ಆಧಾರದಅಡಿಯಲ್ಲಿ ತಯಾರಿಸಲಾಗಿರುವ ಈ ಮಾದರಿ ಅತಿ ಕಡಿಮೆ ವೆಚ್ಚದ ಸಲಕರಣೆಗಳನ್ನು ಹೊಂದಿದೆ. 9 ವೋಲ್ಟ್ ಬ್ಯಾಟರಿ, ಎಲ್ಡಿಆರ್ ಸರ್ಕ್ಯೂಟ್, ಎಲ್ಇಡಿ ಬಲ್ಬ್, ತಾಮ್ರದ ತಂತಿ, ಹಾಗೂ ಕಟ್ಟಿಗೆ ಬಳಸಿ ಇದನ್ನು ತಯಾರಿಸಲಾಗಿದೆ.
ಈ ಮಾದರಿಯಲ್ಲಿ ಬಳಸಿರುವ ಸರ್ಕಿಟ್, ಹಗಲಿನಲ್ಲಿ ಬೀದಿ ದೀಪ ಉರಿಯುವುದನ್ನು ಸ್ವಯಂ ಚಾಲಿತವಾಗಿ ನಿಯಂತ್ರಿಸುತ್ತದೆ. ರಾತ್ರಿ ಸಮಯದಲ್ಲಿ ಸ್ವಯಂ ಚಾಲಿತವಾಗಿ ಹೊತ್ತಿಕೊಳ್ಳುವಂತೆ ಮಾಡುತ್ತದೆ.
ಬೀದಿ ದೀಪಗಳಿಂದ ಗ್ರಾಮಗಳಲ್ಲಿ ಅನವಶ್ಯಕವಾಗಿ ವಿದ್ಯುತ್ ಪೋಲಾಗುವುದನ್ನು ಈ ಮಾದರಿಯಿಂದ ಸುಲಭವಾಗಿ ನಿಯಂತ್ರಿಸಬಹುದು. ವಿದ್ಯುತ್ ಬರ ಎದುರಿಸುತ್ತಿರುವ ಇಂತಹ ಸಂದರ್ಭದಲ್ಲಿ ಈ ಮಾದರಿ ಅವಶ್ಯಕವೆನ್ನಿಸುತ್ತದೆ.