ಒತ್ತೆಯಾಳು ಒಪ್ಪಂದದ ಮಾತುಕತೆಯಲ್ಲಿ ತಾನು ಇಟ್ಟಿದ್ದ ಕೆಲವು ಪ್ರಮುಖ ಬೇಡಿಕೆಗಳನ್ನು ಹಮಾಸ್ ಹಿಂತೆಗೆದುಕೊಂಡಿದೆ. ಇದು ಯುದ್ಧ ವಿರಾಮದ ವಾತಾವರಣವನ್ನು ಉತ್ತಮಗೊಳಿಸಿತು.
ಪ್ಯಾರಿಸ್‌ನಲ್ಲಿ ಅಮೆರಿಕ, ಈಜಿಪ್ಟ್ ಮತ್ತು ಇಸ್ರೇಲಿ ಗುಪ್ತಚರ ಮುಖ್ಯಸ್ಥರು ಮತ್ತು ಕತಾರ್‌ ಪ್ರಧಾನ ಮಂತ್ರಿಗಳ ನಡುವೆ ನಡೆದ ಸಭೆಯ ನಂತರ ಮಾತನಾಡಿದ ಬೈಡನ್ ಆಡಳಿತದ ಅಧಿಕಾರಿಯೊಬ್ಬರು, ಇಸ್ರೇಲಿ ಪಡೆಗಳನ್ನು ಸಂಪೂರ್ಣವಾಗಿ ಹಿಂತೆಗೆದುಕೊಂಡು ಯುದ್ಧ ಅಂತ್ಯಗೊಳಿಸಬೇಕೆಂಬ ಹಮಾಸ್‌ನ ಪ್ರಮುಖ ಬೇಡಿಕೆಗಿದ್ದ ಅಡೆತಡೆಗಳನ್ನು ಪರಿಹರಿಸಲಾಗಿದೆ ಎಂದು ಹೇಳಿದ್ದಾರೆ.
‘ಇಸ್ರೇಲ್ ಒತ್ತೆಯಾಳುಗಳಾಗಿರುವ ಕೆಲವು ಪ್ಯಾಲೆಸ್ಟೀನಿಯರನ್ನು ಬಿಡುಗಡೆ ಮಾಡಬೇಕೆಂಬ ಹಮಾಸ್ ಬೇಡಿಕೆ ತಿರಸ್ಕರಿಸಲಾಗಿದೆ’ ಎಂದೂ ಅವರು ಹೇಳಿದ್ದಾರೆ
